ਬੂਟੇ ਲਗਾ ਕੇ ਮਨਾਇਆ, ਬੱਚੇ ਦਾ ਜਨਮ ਦਿਨ

ਸਰਦੂਲਗੜ੍ਹ-18 ਜੁਲਾਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਬਰਨ ਦੇ ਵਸਨੀਕ ਨਿਰਮਲ ਸਿੰਘ ਤੇ ਉਸ ਦੇ ਪਰਿਵਾਰ ਨੇ ਆਪਣੇ ਬੱਚੇ ਦਾ ਜਨਮ ਦਿਨ ਇਕ ਨਵੀਂ ਸ਼ਲਾਘਾ ਯੋਗ ਰੀਤ ਅਨੁਸਾਰ ਮਨਾਇਆ। ਜਾਣਕਾਰੀ ਸਾਂਝੀ ਕਰਦੇ ਹੋਏ ਸਰਕਾਰੀ ਪ੍ਰਾਇਮਰੀ ਸਕੂਲ ਬਰਨ ਦੇ ਮੁਖੀ ਜਗਸੀਰ ਸਿੰਘ ਨੇ ਦੱਸਿਆ ਕਿ ਸਕੂਲ ‘ਚ ਪੜ੍ਹਦੇ ਜਸਕਰਨ ਸਿੰਘ ਦੇ ਜਨਮ ਦਿਨ ਮੌਕੇ ਉਸ ਦੇ ਮਾਪਿਆਂ ਵਲੋਂ ਸਕੂਲ ਵਿਚ ਬੂਟੇ ਲਗਾਏ ਗਏ। ਉਨ੍ਹਾਂ ਕਿਹਾ ਅਜਿਹੀ ਨਿਵੇਕਲੀ ਪਿਰਤ ਦੂਜਿਆਂ ਨੂੰ ਵੀ ਇਸ ਤਰਾਂ ਦੇ ਚੰਗੇਰੇ ਕਾਰਜ ਲਈ ਪ੍ਰੇਰਤ ਕਰਦੀ ਹੈ। ਇਸ ਮੌਕੇ ਸੈਂਟਰ ਹੈੱਡ ਟੀਚਰ ਮੀਨਾ ਕੁਮਾਰੀ, ਸੰਦੀਪ ਕੌਰ ਤੇ ਹੋਰ ਸਟਾਫ ਮੈਂਬਰ ਹਾਜ਼ਰ ਸਨ।