ਆਂਗਣਵਾੜੀ ਯੂਨੀਅਨ (ਬਲਾਕ ਝੁਨੀਰ) ਵਲੋਂ ਵਿਧਾਇਕ ਬਣਾਂਵਾਲੀ ਦੇ ਘਰ ਅੱਗੇ ਰੋਸ ਵਿਖਾਵਾ

ਸਰਦੂਲਗੜ੍ਹ-28 ਮਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਆਲ ਪੰਜਾਬ ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਦੀ ਸੂਬਾ ਕਮੇਟੀ ਦੇ ਸੱਦੇ ‘ਤੇ ਝੁਨੀਰ ਬਲਾਕ ਦੀਆਂ ਆਂਗਣਵਾੜੀ ਵਰਕਰਾਂ ਤੇ ਹੈਲਪਰਾਂ ਨੇ ਪ੍ਰਧਾਨ ਸੁਰਿੰਦਰ ਕੌਰ ਜੌੜਕੀਆਂ ਦੀ ਅਗਵਾਈ ‘ਚ ਸਰਦੂਲਗੜ੍ਹ ਦੇ ਮੌਜੂਦਾ ਵਿਧਾਇਕ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਦੇ ਘਰ ਦਾ ਘਿਰਾਓ ਕੀਤਾ। ਇਕੱਤਰ ਵਰਕਰਾਂ ਨੇ ਜੋਰਦਾਰ ਨਾਅਰੇਬਾਜ਼ੀ ਕੀਤੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੰਜਾਬ ਸਰਕਾਰ ਨੇ ਆਂਗਣਵਾੜੀ ਵਰਕਰਾਂ ਦੀਆਂ ਛੁੱਟੀਆਂ ਬੰਦ ਕਰ ਦਿੱਤੀਆਂ ਹਨ। ਇਕ ਸੈਂਟਰ ਵਿਚ 2 ਵਰਕਰ ਬੈਠਣ ਦੀ ਆਗਿਆ ਨਹੀਂ। ਪੰਜਾਬ ਦੇ 27 ਹਾਜ਼ਰ ਸੈਂਟਰਾਂ ‘ਚੋਂ ਸਿਰਫ 19 ਹਜ਼ਾਰ ਕੋਲ ਸਰਕਾਰੀ ਇਮਾਰਤ ਹੀ ਨਹੀਂ ਹੈ। ਆਂਗਣਵਾੜੀ ਯੂਨੀਅਨ ਦੀ ਮੰਗ ਹੈ ਕਿ ਉਨ੍ਹਾਂ ਦੀਆਂ ਮੰਗਾਂ ਨੂੰ ਜਲਦੀ ਪੂਰਾ ਕੀਤਾ ਜਾਵੇ। ਇਸ ਦੌਰਾਨ ਸਮਾਜਿਕ ਸੁਰੱਖਿਆ ਇਸਤਰੀ ਤੇ ਬਾਲ ਵਿਕਾਸ ਵਿਭਾਗ ਮੰਤਰੀ (ਪੰਜਾਬ) ਡਾਕਟਰ ਬਲਜੀਤ ਕੌਰ ਦੇ ਨਾਮ ਇਕ ਮੰਗ ਪੱਤਰ ਵੀ ਭੇਜਿਆ ਗਿਆ। ਮੀਤ ਪ੍ਰਧਾਨ ਮਲਕੀਤ ਕੌਰ ਬੁਰਜ, ਤੇਜ ਕੌਰ, ਹਰਵਿੰਦਰ ਕੌਰ, ਇੰਦਰਜੀਤ ਕੌਰ, ਜਸਪਾਲ ਕੌਰ, ਪਰਮਿੰਦਰ ਕੌਰ, ਹਰਜਿੰਦਰ ਕੌਰ, ਬਲਜਿੰਦਰ ਕੌਰ, ਕੁਲਵਿੰਦਰ ਕੌਰ, ਚਰਨਜੀਤ ਕੌਰ, ਬੇਅੰਤ ਕੌਰ, ਜੋਗਿੰਦਰ ਕੋਰ, ਹਰਮਨਦੀਪ ਕੌਰ, ਬਸੰਤ ਕੋਰ, ਅਮਰਜੀਤ ਕੋਰ, ਸੋਨਾ ਰਾਣੀ ਹਾਜ਼ਰ ਸਨ।