ਸਟੇਟ ਕਿੱਕ ਬਾਕਸਿੰਗ ਮੁਕਾਬਲਿਆਂ ‘ਚ ਮਾਨਸਾ ਦੇ ਖਿਡਾਰੀਆਂ ਨੇ ਵਧਾਇਆ ਜ਼ਿਲ੍ਹੇ ਦਾ ਮਾਣ – ਜਤਿੰਦਰ ਸਿੰਘ ਸੋਢੀ

ਸਰਦੂਲਗੜ੍ਹ- 23 ਮਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਬਠਿੰਡਾ ਵਿਖੇ ਕਰਵਾਈ ਗਈ ਪੰਜਾਬ ਸਟੇਟ ਜੂਨੀਅਰ ਕਿੱਕ-ਬਾਕਸਿੰਗ ਚੈਂਪੀਅਨਸ਼ਿਪ ‘ਚ ਮਾਨਸਾ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਕਾਰਗੁਜ਼ਾਰੀ ਨਾਲ ਜ਼ਿਲ੍ਹੇ ਦਾ ਮਾਣ ਵਧਾਇਆ ਹੈ। ਇਸ ਸਬੰਧੀ ਗੱਲਬਾਤ ਕਰਦੇ ਹੋਏ ਮਾਲਵਾ ਕਾਲਜਜ਼ ਦੇ ਚੇਅਰਮੈਨ ਜਤਿੰਦਰ ਸਿੰਘ ਸੋਢੀ ਨੇ ਦੱਸਿਆ ਕਿ ਖਿਡਾਰਨ ਗਗਨਦੀਪ ਕੌਰ ਨੇ ਗੋਲਡ, ਸਰਪ੍ਰਿੰਸ ਸਿੰਘ, ਸ਼ਗਨਦੀਪ ਸਿੰਘ, ਹਰਮਨਜੋਤ ਸਿੰਘ ਤੇ ਜਸਵੀਰ ਸਿੰਘ ਨੇ ਸਿਲਵਰ, ਜਗਰੀਤ ਰਿਸ਼ੀ ਨੇ ਬਰੋਨਜ਼ ਮੈਡਲ ਹਾਸਲ ਕੀਤਾ ਹੈ। ਉਨ੍ਹਾਂ ਨੇ ਖਿਡਾਰੀਆਂ ਨੂੰ ਜੇਤੂ ਮੈਡਲ ਤੇ ਪ੍ਰਮਾਣ ਵੰਡਦੇ ਹੋਏ ਸ਼ਾਬਾਸ਼ ਦਿੱਤੀ। ਇਸ ਮੌਕੇ ਮਾਨਸਾ ਕਿੱਕ ਬਾਕਸਿੰਗ ਦੇ ਜਨਰਲ ਸਕੱਤਰ ਸੋਮਨਾਥ ਸ਼ਰਮਾ, ਤੇਜਿੰਦਰਪਾਲ ਸਿੰਘ, ਮਨਜੋਤ ਸਿੰਘ ਮਾਹਲੀ, ਸਟੇਟ ਰੈਫਰੀ ਬੰਦਨਾ ਰਾਣੀ, ਅਮਰ ਸਿੰਘ ਹਾਜ਼ਰ ਸਨ।