ਪਿੰਡ ਬਾਜੇਵਾਲਾ (ਮਾਨਸਾ) ਤੋਂ ਟਰਾਂਸਫਾਰਮਰਾਂ ਦਾ ਤੇਲ ਤੇ ਤਾਂਬਾ ਚੋਰੀ

ਸਰਦੂਲਗੜ੍ਹ-12 ਮਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਪਿੰਡ ਬਾਜੇਵਾਲਾ (ਮਾਨਸਾ) ਤੋਂ ਮੋਟਰਾਂ ਦੇ ਟਰਾਂਸਫਾਰਮਰਾਂ ਦਾ ਤਾਬਾਂ ਤੇ ਤੇਲ ਚੋਰੀ ਕੀਤੇ ਜਾਣ ਦੀ ਖ਼ਬਰ ਹੈ। ਪੀੜਤ ਕਿਸਾਨ ਪ੍ਰੀਤਮ ਸਿੰਘ ਨੰਬਰਦਾਰ ਮੁਤਾਬਿਕ ਬੀਤੇ ਦਿਨੀਂ ਉਸ ਦੇ ਖੇਤ ਲੱਗੀਆਂ ਮੋਟਰਾਂ ਦੇ ਟਰਾਂਸਫਾਰਮਰਾਂ ਦਾ ਤਾਂਬਾ ਤੇ ਤੇਲ ਚੋਰ ਚੋਰੀ ਕਰਕੇ ਲੈ ਗਏ। ਘਟਨਾ ਸਬੰਧੀ ਥਾਣਾ ਜੌੜਕੀਆਂ (ਸਰਦੂਲਗੜ੍ਹ) ਦੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ। ਪੁਲਿਸ ਮਾਮਲੇ ਦੀ ਜਾਂਚ ‘ਚ ਜੁਟੀ ਹੈ। ਉਪਰੋਕਤ ਚੋਰੀ ਦੀ ਵਾਰਦਾਤ ਨੂੰ ਲੈ ਕੇ ਇਲਾਕੇ ਦੇ ਕਿਸਾਨ ਚਿੰਤਾ ਦੇ ਆਲਮ ‘ਚ ਹਨ।