ਪੰਜਾਬ ਦੇ ਸਰਕਾਰੀ ਖਜ਼ਾਨੇ ਨੂੰ ਲੱਗ ਰਿਹੈ ਮੋਟਾ ਚੂਨਾ – ਬੀਬਾ ਬਾਦਲ

ਸਰਦੂਲਗੜ੍ਹ-24 ਮਾਰਚ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਲੋਕ ਸਭਾ ਚੋਣਾਂ ਦੀ ਤਿਆਰੀ ਨੂੰ ਲੈ ਕੇ ਬੀਬਾ ਹਰਸਿਮਰਤ ਕੌਰ ਬਾਦਲ ਨੇ ਸਰਦੂਲਗੜ੍ਹ ਦੇ ਪਿੰਡ ਮੀਆਂ, ਟਾਂਡੀਆਂ, ਝੇਰਿਆਂਵਾਲੀ, ਛਾਪਿਆਂਵਾਲੀ, ਮੌਜੀਆ, ਉੱਡਤ ਭਗਤ ਰਾਮ ‘ਚ ਵਰਕਰਾਂ ਦੇ ਇਕੱਠ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਮੌਜੂਦਾ ਸਰਕਾਰ ਲੋਕਾਂ ਦੇ ਮਨੋ ਲਹਿ ਗਈ ਹੈ। ਸੂਬੇ ਅੰਦਰ ਗੈਰਸਮਾਜੀ ਗਤੀਵਿਧੀਆਂ ਦੀ ਭਰਮਾਰ ਹੈ ਪਰ ਮਾਨ ਸਰਕਾਰ ਮੂਕ ਦਰਸ਼ਕ ਬਣ ਕੇ ਤਮਾਸ਼ਾ ਦੇਖ ਰਹੀ ਹੈ। ਰਾਜ ਦੇ ਸਰਕਾਰੀ ਖਜ਼ਾਨੇ ਨੂੰ ਮੋਟਾ ਚੂਨਾ ਲੱਗ ਰਿਹਾ ਹੈ। ਸੂਬੇ ਦੀ ਅਰਥਵਿਵਸਥਾ ਵਿਗੜ ਚੁੱਕੀ ਹੈ, ਕਰਜ਼ੇ ਦੇ ਆਸਰੇ ਗੁਜ਼ਾਰਾ ਚੱਲ ਰਿਹਾ ਹੈ। ਸਾਬਕਾ ਕੈਨਦਰੀ ਮੰਤਰੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਆਉਂਦੀਆਂ ਲੋਕ ਸਭਾ ਚੋਣਾਂ ‘ਚ ਸ਼ਰੋਮਣੀ ਅਕਾਲੀ ਦਲ ਦਾ ਤਕੜੇ ਹੋ ਕੇ ਸਾਥ ਦਿੱਤਾ। ਇਸ ਮੌਕੇ ਦਿਲਰਾਜ ਸਿੰਘ ਭੂੰਦੜ, ਸੁਰਜੀਤ ਸਿੰਘ ਰਾਏਪੁਰ, ਜਤਿੰਦਰ ਸਿੰਘ ਸੋਢੀ ਜ਼ਿਲ੍ਹਾ ਪ੍ਰਧਾਨ (ਸ਼ਹਿਰੀ), ਕਰਮਜੀਤ ਕੌਰ ਸਮਾਓ, ਮੇਵਾ ਸਿੰਘ ਸਰਪੰਚ, ਗੁਰਪ੍ਰੀਤ ਸਿੰਘ ਰਾਏਪੁਰ, ਗੁਰਿੰਦਰ ਸਿੰਘ ਮਾਨ ਸੰਦੀਪ ਸਿੰਘ ਗਾਗੋਵਾਲ, ਹਰਪ੍ਰੀਤ ਸਿੰਘ ਭੂੰਦੜ, ਸਰਦੂਲ ਸਿੰਘ, ਹਰਨਾਮ ਸਿੰਘ, ਅਮਨਦੀਪ ਸਿੰਘ ਮੀਆਂ, ਰਘਬੀਰ ਸਿੰਘ, ਨਵਜੋਤ ਸਿੰਘ, ਬਾਦਲ ਸਿੰਘ, ਗੁਰਮੀਤ ਸਿੰਘ, ਜਗਦੀਪ ਸਿੰਘ ਦੀਪਾ, ਲਾਲ ਸਿੰਘ, ਅਵਤਾਰ ਸ਼ਰਮਾ, ਭੋਲਾ ਸਿੰਘ,ਬਿੰਦਰ ਸਿੰਘ, ਹੁਸਨਪ੍ਰੀਤ ਸਿੰਘ ਹਾਜ਼ਰ ਸਨ ।