ਦਰਸ਼ਨ ਸਿੰਘ ਮੇਟ ਨੂੰ ਵਿਦਾਇਗੀ ਪਾਰਟੀ

ਸਰਦੂਲਗੜ੍ਹ-2 ਮਾਰਚ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)

ਬੀਤੀ 29 ਫਰਵਰੀ ਨੂੰ ਡਰੇਨਜ਼ ਵਿਭਾਗ ਦੇ ਮੇਟ ਦਰਸ਼ਨ ਸਿੰਘ ਨੂੰ ਮਾਨਸਾ ਵਿਖੇ ਸੇਵਾ ਮੁਕਤੀ ‘ਤੇ ਸ਼ਾਨਦਾਰ ਵਿਦਾਇਗੀ ਪਾਰਟੀ ਦਿੱਤੀ ਗਈ। ਉਨ੍ਹਾਂ ਨੇ 38 ਸਾਲ 4 ਮਹੀਨੇ ਦੀ ਮਹਿਕਮੇ ‘ਚ ਬੇਦਾਗ਼ ਸੇਵਾ ਨਿਭਾਈ। ਇਸ ਮੌਕੇ ਦਫ਼ਤਰ ਵਲੋਂ ਕਾਰਜਕਾਰੀ ਇੰਜੀਨੀਅਰ, ਜੇਈ, ਦਫ਼ਤਰੀ ਸਟਾਫ ਤੋਂ ਇਲਾਵਾ ਫ਼ੀਲਡ ਵਰਕਸ਼ਾਪ ਵਰਕਰਜ਼ ਯੂਨੀਅਨ ਦੇ ਸੂਬਾਈ ਪ੍ਰਧਾਨ ਬਿੱਕਰ ਸਿੰਘ ਮਾਖਾ, ਸੂਬਾਈ ਆਗੂ ਜਸਮੇਲ ਸਿੰਘ ਅਤਲਾ, ਜ਼ਿਲ੍ਹਾ ਆਗੂ ਹਿੰਮਤ ਸਿੰਘ ਦੂਲੋਵਾਲ, ਗੁਰਸੇਵਕ ਸਿੰਘ ਭੀਖੀ, ਕਿਸਾਨ ਸਭਾ ਦੇ ਜ਼ਿਲ੍ਹਾ ਪ੍ਰਧਾਨ ਰੂਪ ਸਿੰਘ ਢਿੱਲੋਂ, ਟਰੇਡ ਯੂਨੀਅਨ ਆਗੂ ਕਰਨੈਲ ਸਿੰਘ ਭੀਖੀ, ਭਰਾਤਰੀ ਜਥੇਬੰਦੀ ਦੇ ਆਗੂ ਮੇਜਰ ਸਿੰਘ ਮਾਖੇਵਾਲਾ, ਜੱਗਾ ਸਿੰਘ ਭੀਖੀ ਹਾਜ਼ਰ ਸਨ।