ਜਗਜੀਤ ਸਿੰਘ ਮਿਲਖਾ ਭਾਜਪਾ (ਕਿਸਾਨ ਮੋਰਚਾ ਪੰਜਾਬ) ਦੇ ਸਹਿ ਕਨਵੀਨਰ ਥਾਪੇ

ਸਰਦੂਲਗੜ੍ਹ-6 ਜਨਵਰੀ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)

ਬੀਤੇ ਦਿਨੀਂ ਸਰਦੂਲਗੜ੍ਹ ਤੋਂ ਭਾਜਪਾ ਆਗੂ ਜਗਜੀਤ ਸਿੰਘ ਮਿਲਖਾ ਨੂੰ ਪਾਰਟੀ ਵਲੋਂ ਐਫ. ਪੀ. ਓ. ਕਮੇਟੀ ਕਿਸਾਨ ਮੋਰਚਾ ਪੰਜਾਬ ਦਾ ਸਹਿ ਕਨਵੀਨਰ ਨਿਯੁਕਤ ਕੀਤਾ ਗਿਆ। ਜ਼ਿਕਰ ਯੋਗ ਹੈ ਕਿ ਉਹ ਸਰਦੂਲਗੜ੍ਹ ਤੋਂ 2022 ਦੀ ਵਿਧਾਨ ਸਭਾ ਚੋਣ ਵੀ ਲੜ ਚੁੱਕੇ ਹਨ। ਇਸ ਸਬੰਧੀ ਗੱਲਬਾਤ ਸਮੇਂ ਜਗਜੀਤ ਸਿੰਘ ਮਿਲਖਾ ਨੇ ਪਾਰਟੀ ਹਾਈ ਕਮਾਨ ਦਾ ਧੰਨਵਾਦ ਕਰਦੇ ਹੋਏੇ ਕਿਹਾ ਕਿ ਉਹ ਇਸ ਨਵੀਂ ਜ਼ਿੰਮੇਵਾਰੀ ਨੂੰ ਪੂਰੀ ਇਮਾਨਦਾਰੀ ਤੇ ਸ਼ਿੱਦਤ ਨਾਲ ਨਿਭਾਉਣਗੇ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਕਿਸਾਨ ਮੋਰਚਾ ਜਸਵੰਤ ਸਿੰਘ ਰਾਜਰਾਣਾ, ਸਾਬਕਾ ਮੰਡਲ ਪ੍ਰਧਾਨ ਪ੍ਰੇਮ ਕੁਮਾਰ ਗਰਗ, ਪ੍ਰੇਮ ਸਿੰਘ ਸਰਪੰਚ ਚਹਿਲਾਂ ਵਾਲੀ, ਗੁਰਦਿਆਲ ਸਿੰਘ ਗੋਦਾਰਾ, ਹਰ ਜੀਵਨ ਸਿੰਘ ਆਦਮਕੇ, ਰਾਮ ਸਿੰਘ ਖੋਖਰ, ਸੁਖਪਾਲ ਸਿੰਘ ਧਾਲੀਵਾਲ ਮਾਨਖੇੜਾ, ਪਾਲ ਸਿੰਘ, ਪ੍ਰਤਾਪ ਸਿੰਘ ਗੁਰਾਇਆ ਹਾਜ਼ਰ ਸਨ।