ਬਾਲ ਵਾਟਿਕਾ ਸਕੂਲ ‘ਚ ਦੀਵਾਲੀ ਨੂੰ ਸਮਰਪਿਤ ਰੰਗੋਲੀ

ਸਰਦੂਲਗੜ੍ਹ-11 ਨਵੰਬਰ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਦੀਵਾਲੀ ਦੇ ਤਿਓਹਾਰ ਨੂੰ ਸਮਰਪਿਤ ਬਾਲ ਵਾਟਿਕਾ ਪਬਲਿਕ ਸਕੂਲ ਟਿੱਬੀ ਹਰੀ ਸਿੰਘ ਵਿਖੇ ਰੰਗੋਲੀ ਮੁਕਬਾਲੇ ਕਰਵਾਏ ਗਏ। ਵਿਦਿਆਰਥੀਆਂ ਨੇ ਰੰਗੋਲੀ ਕਲਾ ਦੀ ਸ਼ਾਨਦਾਰ ਪ੍ਰਦਰਸ਼ਨੀ ਕੀਤੀ। ਹਿਮਾਲਿਆ ਹਾਊਸ, ਸ਼ਿਵਾਲਿਕ ਹਾਊਸ, ਵਿੰਧਿਆਚਲ ਹਾਊਸ ਤੇ ਨੀਲਗਿਰੀ ਹਾਊਸ ਨੇ ਵੰਨੇ ਸੁਵੰਨੇ ਰੰਗਾਂ ਨਾਲ ਆਕ੍ਰਿਤੀਆਂ ਬਣਾ ਕੇ ਸਕੂਲ ਦੀ ਫਿਜ਼ਾ ‘ਚ ਰੰਗ ਭਰ ਦਿੱਤੇ। ਪ੍ਰਬੰਧਕ ਕਮੇਟੀ ਤੇ ਪ੍ਰਿਸੀਪਲ ਏ. ਕੇ. ਤਿਵਾੜੀ ਨੇ ਬੱਚਿਆਂ ਦੇ ਇਸ ਹੁਨਰ ਦੀ ਸ਼ਲਾਘਾ ਕਰਦੇ ਸਮੂਹ ਵਿਦਿਆਰਥੀਆਂ ਤੇ ਸਟਾਫ ਨੂੰ ਪਵਿੱਤਰ ਤਿਓਹਾਰ ਦੀ ਵਧਾਈ ਦਿੱਤੀ।