ਸਰਦੂਲਗੜ੍ਹ ‘ਚ ਮਨਾਈ ਈਦ-ਉਲ-ਫ਼ਿਤਰ

ਸਰਦੂਲਗੜ੍ਹ- 22 ਅਪ੍ਰੈਲ (ਜ਼ੈਲਦਾਰ ਟੀ.ਵੀ.) ਸਥਾਨਕ ਸ਼ਹਿਰ ‘ਚ ਈਦ-ਉਲ-ਫ਼ਿਤਰ ਦਾ ਤਿਓਹਾਰ ਪੂਰਨ ਸ਼ਰਧਾ ਭਾਵਨਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ।ਬਾਬਾ ਫਰੀਦ ਮਸਜ਼ਿਦ ਸਰਦੂਲਗੜ੍ਹ ਵਿਖੇ ਵੱਖ-ਵੱਖ ਧਰਮਾਂ ਦੇ ਲੋਕਾਂ ਤੋਂ ਇਲਾਵਾ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਪੰਜਾਬ ਪੁਲਿਸ ਦੇ ਜਵਾਨਾਂ ਨੇ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੂੰ ਗਲ਼ੇ ਮਿਲ਼ ਕੇ ਇਸ ਪਵਿੱਤਰ ਅਵਸਰ ਦੀ ਮੁਬਾਰਕਵਾਦ ਦਿੱਤੀ ਤੇ ਮਠਿਆਈਆਂ ਵੰਡੀਆਂ।ਇਸ ਮੌਕੇ ਮੌਲਵੀ ਸਦਾਮ ਹੁਸੈਨ, ਛੋਟੂ ਖਾਨ, ਪੱਪੂ ਖਾਨ, ਗਨੀ ਖਾਨ, ਮਿੱਠੂ ਖਾਨ, ਮੇਘਾ ਖਾਨ, ਨਿਜਾਮੂਦੀਨ ਤੇ ਪੰਜਾਬ ਪੁਲਿਸ ਦੇ ਮੁਲਾਜ਼ਮ ਹਾਜ਼ਰ ਸਨ।

ਮੀਰਪੁਰ ਖੁਰਦ ਵਿਖੇ ਵੀ ਮਨਾਈ ਈਦ- ਮੀਰਪੁਰ ਖੁਰਦ ਵਿਖੇ ਵੀ ਈਦ ਦਾ ਪੁਰਬ ਮਨਾਇਆ ਗਿਆ।ਪਿੰਡ ਦੀ ਮਸਜਿਦ ‘ਚ ਰੱਖੇ ਇਕ ਸਮਾਗਮ ਦੌਰਾਨ ਗੁਰੂ ਘਰ ਦੇ ਗ੍ਰੰਥੀ ਬਾਬਾ ਸੁਖਵਿੰਦਰ ਸਿੰਘ ਤੇ ਹੋਰਨਾਂ ਪਿੰਡ ਵਾਸੀਆਂ ਨੇ ਮੁਸਲਿਮ ਭਰਾਵਾਂ ਨੂੰ ਵਧਾਈਆਂ ਦਿੱਤੀਆਂ ਤੇ ਮਠਿਆਈ ਵੰਡੀ।ਇਸ ਮੌਕੇ ਮੌਲਵੀ ਮੁਹੰਮਦ ਮੁਸਤਲਿਨ, ਧਰਮਪਾਲ ਪੂਨੀਆ, ਬਲਜੀਤ ਸਿੰਘ ਹਾਜ਼ਰ ਸਨ।