ਸਰਦੂਲਗੜ੍ਹ ਦੇ ਨੰਬਰਦਾਰਾਂ ਨੇ ਮਹੀਨੇਵਾਰ ਇਕੱਤਰਤਾ ਕੀਤੀ

ਸਰਦੂਲਗੜ੍ਹ-11 ਅਪ੍ਰੈਲ (ਜ਼ੈਲਦਾਰ ਟੀ.ਵੀ.) ਪੰਜਾਬ ਨੰਬਰਦਾਰ ਯੂਨੀਅਨ ਸਰਦੂਲਗੜ੍ਹ ਦੀ ਮਹੀਨੇਵਾਰ ਇਕੱਤਰਤਾ ਸਥਾਨਕ ਕਚਹਿਰੀ ਵਿਖੇ ਜ਼ਿਲ੍ਹਾ ਜਨਰਲ ਸਕੱਤਰ ਪ੍ਰੀਤਮ ਸਿੰਘ ਬਾਜੇਵਾਲਾ ਦੀ ਪ੍ਰਧਾਨਗੀ ‘ਚ ਹੋਈ।ਸਭ ਤੋਂ ਪਹਿਲਾਂ ਇਕੱਤਰ ਨੰਬਰਦਾਰਾਂ ਨੇ ਉਨ੍ਹਾਂ ਦੇ ਵਿੱਛੜੇ ਸਾਥੀ ਜਗਤਾਰ ਸਿੰਘ ਭੰਮੇ ਕਲਾਂ ਤੇ ਨਾਜਰ ਸਿੰਘ ਸਰਦੂਲਗੜ੍ਹ ਦੀ ਬੀਤੇ ਦਿਨੀਂ ਅਚਾਨਕ ਹੋਈ ਮੌਤ ਤੇ ਦੁੱਖ ਜ਼ਾਹਿਰ ਕੀਤਾ।

ਇਸ ਤੋਂ ਬਾਅਦ ਲਟਕਦੀਆਂ ਮੰਗਾਂ ਸਬੰਧੀ ਵਿਚਾਰ ਚਰਚਾ ਕੀਤੀ।ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਗਈ ਕਿ ਬਕਾਇਆ ਮਾਣਭੱਤਾ ਨੰਬਰਦਾਰਾਂ ਦੇ ਖਾਤੇ ਵਿਚ ਪਾਇਆ ਜਾਵੇ।ਬੇਮੌਸਮੀ ਬਰਸਾਤ ਨਾਲ ਫਸਲਾਂ ਦੇ ਹੋਏ ਨੁਕਸਾਨ ਦਾ ਯੋਗ ਮਆਵਜ਼ਾ ਜਲਦੀ ਦਿੱਤਾ ਜਾਵੇ।

ਇਸ ਮੌਕੇ ਗਮਦੂਰ ਸਿੰਘ ਝੰਡੂਕੇ, ਮਜੀਠਾ ਸਿੰਘ ਸਰਦੂਲਗੜ੍ਹ, ਹਰਗੋਪਾਲ ਸਿੰਘ ਮੀਰਪੁਰ ਕਲਾਂ, ਮੇਜਰ ਸਿੰਘ ਝੰਡਾ ਕਲਾਂ, ਭੋਲਾ ਸਿੰਘ ਸਰਦੂਲੇਵਾਲਾ, ਰਾਜਾ ਸਿੰਘ ਬਾਜੇਵਾਲਾ, ਵਿਨੋਦ ਕੁਮਾਰ ਕਾਹਨੇਵਾਲਾ, ਮੇਜਰ ਸਿੰਘ ਜਗਤਗੜ੍ਹ ਬਾਂਦਰਾਂ, ਸ਼ਾਮ ਸਿੰਘ ਰਾਇਪੁਰ, ਪਿਆਰਾ ਸਿਮਘ ਰਣਜੀਤਗੜ੍ਹ ਬਾਂਦਰਾਂ, ਕਸ਼ਮੀਰ ਸਿੰਘ ਕੁਸਲਾ, ਵਿਜੈ ਕੁਮਾਰ ਕੌੜੀ ਹਾਜ਼ਰ ਸਨ।