ਮੰਜੂ ਰਾਣੀ ਨੇ ਪੰਜਾਬ ਦਾ ਨਾਂਅ ਰੋਸ਼ਨ ਕੀਤਾ-ਬਿਕਰਮ ਸਿੰਘ ਮੋਫਰ

ਸਰਦੂਲਗੜ੍ਹ-17 ਫਰਵਰੀ(ਜ਼ੈਲਦਾਰ ਟੀ.ਵੀ.) ਮੰਜੂ ਰਾਣੀ ਨੇ ਪੰਜਾਬ ਦਾ ਨਾਂਅ ਪੂਰੇ ਦੇਸ਼’ਚ ਰੋਸ਼ਨ ਕੀਤਾ ਹੈ।ਸਾਡੇ ਇਲਾਕੇ ਦੀ ਜੰਮਪਲ ਧੀ ਦੀ ਮਣਮੱਤੀ ਪ੍ਰਾਪਤੀ ਤੇ ਸਾਨੂੰ ਬਹੁਤ ਫਖ਼ਰ ਹੈ।ਇੰਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਾਂਗਰਸੀ ਆਗੂ ਤੇ ਜ਼ਿਲ੍ਹਾ ਪ੍ਰੀਸ਼ਦ ਚੇਅਰਮੈਨ ਬਿਕਰਮ ਸਿੰਘ ਮੋਫਰ ਨੇ ਖੈਰਾ ਖੁਰਦ ਵਿਖੇ ਕੌਮੀ ਖੇਡਾਂ ਦੀ ਸੋਨ ਤਮਗਾ ਜੇਤੂ ਮੰਜੂ ਰਾਣੀ ਦੇ ਪਰਿਵਾਰ ਨੂੰ ਵਧਾਈ ਦੇਣ ਉਪਰੰਤ ਗੱਲਬਾਤ ਕਰਦੇ ਹੋਏ ਕੀਤਾ।ਜ਼ਿਕਰ ਯੋਗ ਹੈ ਕਿ ਬੀਤੇ ਦਿਨੀਂ ਝਾਰਖੰਡ ਦੇ ਰਾਂਚੀ ਵਿਖੇ ਇਸ ਅਥਲੀਟ ਨੇ ਮਹਿਲਾਵਾਂ ਦੀ 35 ਕਿਲੋਮੀਟਰ ਪੈਦਲ ਚਾਲ ਦਾ ਮੁਕਾਬਲਾ 2.57.54 ਸਮੇਂ’ਚ ਜਿੱਤ ਕੇ ਰਾਸ਼ਟਰੀ ਰਿਕਾਰਡ ਆਪਣੇ ਨਾਮ ਕਰਦੇ ਹੋਏ ਏਸ਼ੀਅਨ ਗੇਮਜ਼ ਲਈ ਵੀ ਰਾਹ ਪੱਧਰਾ ਕੀਤਾ ਹੈ।