ਚੋਰੀ ਦੀਆਂ ਵਾਰਦਾਤਾਂ ਕਾਰਨ ਸਰਦੂਲਗੜ੍ਹ ਵਾਸੀ ਖੌਫਜ਼ਦਾ, ਦੁਕਾਨਾਂ ਦੇ ਜ਼ਿੰਦਰੇ ਤੋੜ ਕੇ ਨਕਦੀ ਤੇ ਸਮਾਨ ਚੋਰੀ

ਸਰਦੂਲਗੜ੍ਹ-5 ਫਰਵਰੀ(ਜ਼ੈਲਦਾਰ ਟੀ.ਵੀ.) ਸਥਾਨਕ ਸ਼ਹਿਰ’ਚ 3-4 ਫਰਵਰੀ ਦੀ ਸਾਂਝੀ ਰਾਤ ਨੂੰ ਵਾਪਰੀਆਂ ਚੋਰੀ ਦੀਆਂ ਘਟਨਾਵਾਂ ਕਾਰਨ ਸ਼ਹਿਰ ਵਾਸੀ ਖੌਫਜ਼ਦਾ ਹਨ।ਜਾਣਕਾਰੀ ਮੁਤਾਬਿਕ ਸਿਰਸਾ-ਮਾਨਸਾ ਸੜਕ ਤੇ ਸਥਿਤ ਰਾਮ ਕੁਮਾਰ ਵਰਮਾ ਪੰਸਾਰੀ ਦੀ ਦੁਕਾਨ ਤੋਂ 15 ਹਜ਼ਾਰ,ਜੀਵਨ ਕੁਮਾਰ 50 ਹਜ਼ਾਰ,ਗਾਇਤਰੀ ਭੰਡਾਰ 20 ਹਜ਼ਾਰ,ਸਤਵੀਰ ਸਿੰਘ ਪੈਸਟੀਸਾਈਡ 3 ਹਾਜ਼ਰ,ਪਵਨ ਕੁਮਾਰ ਖੈਰਾ ਦੀ ਦੁਕਾਨ ਤੋਂ 10 ਹਜ਼ਾਰ ਰੁ. ਦੀ ਨਕਦੀ ਤੋਂ ਇਲਾਵਾ ਜੈਨ ਹੈਂਡਲੂਮ ਦੇ ਗੋਦਾਮ ਦਾ ਜ਼ਿੰਦਰਾ ਤੋੜ ਕੇ ਕਾਫੀ ਸਮਾਨ ਚੋਰੀ ਹੋ ਜਾਣ ਦੀਆਂ ਖ਼ਬਰਾਂ ਹਨ।ਜ਼ਿਕਰ ਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਬੇਖੌਫ ਹੋਏ ਚੋਰਾਂ ਨੇ ਸਰਦੂਲਗੜ੍ਹ’ਚ 15 ਤੋਲੇ ਸੋਨਾ ਤੇ 50 ਹਜ਼ਾਰ ਰੁ. ਨਕਦੀ ਚੋਰੀ ਦੀ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਸੀ।ਪੁਲਿਸ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਉਪਰੋਕਤ ਮਾਮਲਿਆਂ ਦੀ ਬਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।