ਮਾਨਸਾ ਦੇ ਪਿੰਡ ਖਾਰਾ ਵਿਖੇ ਅੱਖਾਂ ਦਾ ਜਾਂਚ ਕੈਂਪ 24 ਜਨਵਰੀ ਨੂੰ

ਰਦੂਲਗੜ੍ਹ- 20 ਜਨਵਰੀ (ਜ਼ੈਲਦਾਰ ਟੀ.ਵੀ.) ਸ੍ਰੀ ਗੁਰੂ ਰਵਿਦਾਸ ਨੌਜਵਾਨ ਸਭਾ,ਸਮੂਹ ਗਰਾਮ ਪੰਚਾਇਤ,ਸਹਿਕਾਰੀ ਸਭਾ,ਬਾਬਾ ਜੀਵਨ ਸਿੰਘ ਨੌਜਵਾਨ ਸਭਾ ਤੇ ਲੋਕਾਂ ਦੇ ਸਹਿਯੋਗ ਨਾਲ ਪਿੰਡ ਖਾਰਾ ਵਿਖੇ ਅੱਖਾਂ ਦਾ ਮੁਫ਼ਤ ਜਾਂਚ ਕੈਂਪ 24 ਜਨਵਰੀ 2023 ਨੂੰ ਡੇਰਾ ਬਾਬਾ ਗੁਲਾਬ ਪੁਰੀ ਵਿਖੇ ਲਗਾਇਆ ਜਾਵੇਗਾ।ਡੇਰੇ ਦੇ ਪ੍ਰਧਾਨ ਦਿਦਾਰ ਸਿੰਘ ਖਾਰਾ ਨੇ ਦੱਸਿਆ ਸ਼ੰਕਰਾਂ ਆਈ ਹਸਪਤਾਲ ਲੁਧਿਆਣਾ ਦੇ ਮਾਹਿਰ ਡਾਕਟਰ ਅੱਖਾਂ ਦਾ ਨਿਰੀਖਣ ਕਰਨਗੇ।ਲੋੜਵੰਦ ਲੋਕ ਸਵੇਰੇ 9 ਤੋਂ ਦੁਪਹਿਰ 1 ਵਜੇ ਤੱਕ ਉਕਤ ਸਥਾਨ ਤੇ ਪਹੁੰਚ ਕੇ ਲਾਹਾ ਲੈ ਸਕਦੇ ਹਨ।