ਨੌਜਵਾਨ ਸੇਵਾ ਕਲੱਬ ਮਾਨਸਾ ਨੇ ਇਕੱਤਰਤਾ ਕੀਤੀ

ਸਰਦੂਲਗੜ੍ਹ-19 ਜਨਵਰੀ (ਜ਼ੈਲਦਾਰ ਟੀ.ਵੀ.) ਨੌਜਵਾਨ ਸੇਵਾ ਕਲੱਬ ਮਾਨਸਾ ਵਲੋਂ ਆਉਣ ਵਾਲੇ ਫਰਵਰੀ ਮਹੀਨੇ’ਚ ਕੀਤੇ ਜਾਣ ਵਾਲੇ ਲੜਕੀਆਂ ਦੇ ਵਿਆਹ ਕਾਰਜ ਸਬੰਧੀ ਨੰਗਲ ਖੁਰਦ ਵਿਖੇ ਇਕੱਤਰਤਾ ਕੀਤੀ ਗਈ।ਜਿਸ ਦੀ ਪ੍ਰਧਾਨਗੀ ਕਲੱਬ ਦੀ ਚੇਅਰਪਰਸਨ ਕਮਲਜੀਤ ਕੌਰ ਨੇ ਕੀਤੀ।ਇਸ ਦੌਰਾਨ ਤਿਆਰੀ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ ਤੇ ਵਿਆਹ ਸਮਾਗਮ ਨਾਲ ਸਬੰਧਿਤ ਕੰਮਾਂ ਨੂੰ ਸਫਲਤਾ ਪੂਰਵਕ ਅਮਲੀ ਰੂਪ ਦੇਣ ਲਈ ਕਲੱਬ ਮੈਂਬਰਾਂ ਨੂੰ ਜ਼ਿੰਮੇਵਾਰੀ ਸੌਂਪੀ ਗਈ।ਕਲੱਬ ਪ੍ਰਧਾਨ ਰਣਧੀਰ ਸਿੰਘ ਧੀਰਾ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਸਮਾਜ ਸੇਵਾ ਕਾਰਜਾਂ’ਚ ਯੋਗਦਾਨ ਪਾਉਂਦੇ ਹੋਏ ਉਨ੍ਹਾਂ ਦੀ ਸੰਸਥਾ ਨੇ ਲੋੜਵੰਦ ਪਰਿਵਾਰਾਂ ਦੀਆਂ 438 ਲੜਕੀਆਂ ਦੀ ਸ਼ਾਦੀ ਕੀਤੀ ਹੈ।ਇਸ ਮੌਕੇ ਸਰਪ੍ਰਸਤ ਵੀਰਪਾਲ ਕੌਰ ਡੈਂਟਲ ਕਾਲਜ ਨੰਗਲ ਕਲਾਂ,ਬਿੱਕਰ ਸਿੰਘ ਭਲੇਰੀਆ,ਪੰਮਾ ਬਾਬਾ,ਗੋਗੀ ਸਿੰਘ,ਐਡਵੋਕੇਟ ਲੱਖਣਪਾਲ ਸਿੰਘ,ਨਛੱਤਰ ਸਿੰਘ ਛੱਤਾ,ਕੁਲਦੀਪ ਸਿੰਘ ਮੰਢਾਲ਼ੀ,ਹਰਪ੍ਰੀਤ ਸਿੰਘ,ਹਰਜਿੰਦਰ ਸਿੰਘ,ਬਿਕਰਮ ਸਿੰਘ ਹਾਜ਼ਰ ਸਨ।