ਨੌਜਵਾਨ ਸੇਵਾ ਕਲੱਬ ਮਾਨਸਾ ਨੇ ਲੋੜਵੰਦ ਲੋਕਾਂ ਨੂੰ ਗਰਮ ਕੱਪੜੇ ਵੰਡੇ

ਸਰਦੂਲਗੜ੍ਹ-14 ਜਨਵਰੀ (ਜ਼ੈਲਦਾਰ ਟੀ.ਵੀ.) ਨੌਜਵਾਨ ਸੇਵਾ ਕਲੱਬ ਮਾਨਸਾ ਵਲੋਂ ਠੂਠਿਆਂ ਵਾਲੀ ਰੋਡ ਤੇ ਨੇਤਰਹੀਣ ਲੜਕੀਆਂ ਦੇ ਪਰਿਵਾਰਾਂ ਤੇ ਝੁੱਗੀ ਝੌਂਪੜੀਆਂ’ਚ ਰਹਿੰਦੇ ਲੋੜਵੰਦ ਲੋਕਾਂ ਨੂੰ ਗਰਮ ਕੱਪੜੇ ਵੰਡੇ ਗਏ।ਸੰਸਥਾ ਦੀ ਉਪ ਚੇਅਰਮੈਨ ਕਮਲਜੀਤ ਕੌਰ ਜ਼ੈਲਦਾਰ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਅਜਿਹੇ ਉੱਦਮ ਲੋਕਾਂ ਦੇ ਸਹਿਯੋਗ ਤੋਂ ਬਿਨਾਂ ਪੂਰੇ ਨਹੀਂ ਹੋ ਸਕਦੇ।ਉਨ੍ਹਾਂ ਨੇ ਲੋੜਵੰਦ ਲੋਕਾਂ ਦੀ ਮਦਦ ਲਈ ਅੱਗੇ ਆਉਣ ਵਾਲੇ ਸਾਰੇ ਦਾਨੀ ਵਿਅਕਤੀਆਂ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਕਲੱਬ ਦੇ ਸਰਪ੍ਰਸਤ ਰਾਜੂ ਬਾਬਾ ਜਟਾਣੇ ਵਾਲੇ,ਚੇਅਰਮੈਨ ਨਛੱਤਰ ਸਿੰਘ ਛੱਤਾ ਖਾਰਾ,ਪ੍ਰਧਾਨ ਰਣਧੀਰ ਸਿੰਘ ਧੀਰਾ,ਬਿੱਕਰ ਸਿੰਘ ਭਲੇਰੀਆ,ਵੀਰਪਾਲ ਕੌਰ ਡੈਂਟਲ ਕਾਲਜ ਨੰਗਲ ਕਲਾਂ,ਐਡਵੋਕੇਟ ਲੱਖਣਪਾਲ ਸਿੰਘ,ਪੰਮਾ ਬਾਬਾ ਹਾਜ਼ਰ ਸਨ।