ਲਛਮਣ ਸਿੰਘ ਸਿੱਧੂ ਬਣੇ ਯੂਨਾਈਟਡ ਮੀਡੀਆ ਕਲੱਬ ਸਰਦੂਲਗੜ੍ਹ ਦੇ ਪ੍ਰਧਾਨ

ਸਰਦੂਲਗੜ੍ਹ-16 ਨਵੰਬਰ(ਜ਼ੈਲਦਾਰ ਟੀ.ਵੀ.) ਯੂਨਾਈਟਡ ਮੀਡੀਆ ਕਲੱਬ ਦੀ ਇਕੱਤਰਤਾ ਸਥਾਨਕ ਡੇਰਾ ਬਾਬਾ ਹੱਕਤਾਲਾ ਵਿਖੇ ਸੀਨੀਅਰ ਪੱਤਰਕਾਰ ਬਲਵਿੰਦਰ ਚੋਪੜਾ ਦੀ ਪ੍ਰਧਾਨਗੀ’ਚ ਹੋਈ।ਜਿਸ ਦੌਰਾਨ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ।ਲਛਮਣ ਸਿੰਘ ਸਿੱਧੂ ਦਸੌਂਧੀਆ ਪ੍ਰਧਾਨ,ਅਵਤਾਰ ਸਿੰਘ ਜਟਾਣਾ ਜਨਰਲ ਸਕੱਤਰ ਤੇ ਬਲਜੀਤਪਾਲ ਰਾਮਾਨੰਦੀ ਖਜ਼ਾਨਚੀ ਚੁਣੇ ਗਏ।ਡੇਰਾ ਮੁਖੀ ਸੰਤ ਬਾਬਾ ਕੇਵਲ ਦਾਸ ਨੇ ਨਵੇਂ ਅਹੁਦੇਦਾਰਾਂ ਨੂੰ ਮੂੰਹ ਮਿੱਠਾ ਕਰਵਾ ਕੇ ਅਸ਼ੀਰਵਾਦ ਦਿੱਤਾ।ਨਵਨਿਯੁਕਤ ਅਹੁਦੇਦਾਰਾਂ ਨੇ ਵਿਸ਼ਵਾਸ ਦਿਵਾਇਆ ਕਿ ਉਹ ਸੌਂਪੀ ਗਈ ਜ਼ਿੰਮੇਵਾਰੀ ਨੂੰ ਪੂਰੀ ਇਮਾਨਦਾਰੀ ਨਾਲ ਨਿਭਾਉਣਗੇ।ਇਸ ਮੌਕੇ ਵਿਨੋਦ ਜੈਨ,ਜਸਵਿੰਦਰ ਸਿੰਘ ਜੌੜਕੀਆਂ,ਗੁਰਦਿੱਤ ਮੱਲ ਅਰੋੜਾ,ਪ੍ਰਕਾਸ਼ ਸਿੰਘ ਜ਼ੈਲਦਾਰ ਹਾਜ਼ਰ ਸਨ।