ਸੰਤ ਸਤਨਾਮ ਦਾਸ ਪਬਲਿਕ ਸਕੂਲ ਬਰਨ ਦੇ ਵਿਦਿਆਰਥੀਆਂ ਨੇ ਲਾਇਆ ਵਿਦਿਅਕ ਟੂਰ

ਸਰਦੂਲਗੜ੍ਹ- 3 ਨਵੰਬਰ (ਜ਼ੈਲਦਾਰ ਟੀ.ਵੀ.) ਸੰਤ ਸਤਨਾਮ ਦਾਸ ਪਬਲਿਕ ਸਕੂਲ ਬਰਨ (ਮਾਨਸਾ) ਵਲੋਂ ਵਿਦਿਆਰਥੀਆਂ ਦਾ ਵਿਦਿਅਕ ਟੂਰ ਹਰਿਆਣਾ ਦੇ ਅਗੋਰਹਾ ਮੋੜ ਵਿਖੇ ਲਾਇਆ ਗਿਆ।ਪ੍ਰਿੰਸੀਪਲ ਭੁਪਿੰਦਰ ਸ਼ਰਮਾ ਨੇ ਵਿਦਿਆਰਥੀਆਂ ਨਾਲ ਅਗੋਰਹਾ ਦੇ ਇਤਿਹਾਸ ਦੀ ਜਾਣਕਾਰੀ ਸਾਂਝੀ ਕੀਤੀ।ਜਿਸ ਦਾ ਧਾਰਮਿਕ ਪੱਖ ਤੋਂ ਵੀ ਇਕ ਵਿਸ਼ੇਸ਼ ਮਹੱਤਵ ਹੈ।ਉਨ੍ਹਾਂ ਕਿਹਾ ਕਿ ਪੜ੍ਹਾਈ ਦੇ ਨਾਲ-ਨਾਲ ਅਜਿਹੇ ਪ੍ਰੋਗਰਾਮ ਬੱਚਿਆਂ ਦੇ ਆਮ ਗਿਆਨ’ਚ ਵਾਧਾ ਕਰਦੇ ਹਨ।ਇਸ ਦੌਰਾਨ ਉਪਰੋਕਤ ਸਥਾਨ ਤੇ ਬਣੇ ਮੰਦਰ,ਗੁਫਾਵਾਂ ਤੇ ਕੁਝ ਹੋਰ ਦੇਖਣ ਯੋਗ ਥਾਵਾਂ ਪ੍ਰਤੀ ਬੱਚਿਆਂ ਨੇ ਵਿਸ਼ੇਸ਼ ਦਿਲਚਸਪੀ ਦਿਖਾਈ।ਇਸ ਮੌਕੇ ਪਰਮਜੀਤ ਕੌਰ,ਅਮਰਜੀਤ ਕੌਰ,ਲਵਪ੍ਰੀਤ ਕੌਰ,ਜਸਪਾਲ ਕੌਰ,ਨਵਦੀਪ ਕੌਰ,ਹਰਮੀਤ ਕੌਰ,ਅਮਨਦੀਪ ਕੌਰ ਹਾਜ਼ਰ ਸਨ।