ਆਸਟਰੇਲੀਆ ਦੇ ਟੀ20 ਵਰਡ ਕੱਪ’ਚ ਦਿਖੇਗਾ ਇਕ ਦਿਓ ਕੱਦ ਗੇਂਦਬਾਜ਼

ਸਰਦੂਲਗੜ੍ਹ-(ਪ੍ਰਕਾਸ਼ ਸਿੰਘ ਜ਼ੈਲਦਾਰ) 16 ਅਕਤੂਬਰ 2022 ਤੋਂ ਆਸਟਰੇਲੀਆ’ਚ ਸ਼ੁਰੂ ਹੋ ਰਹੇ ਟੀ20 ਕ੍ਰਿਕਟ ਵਰਡ ਕੱਪ’ਚ ਇਕ ਦਿਓ ਕੱਦ ਗੇਂਦਬਾਜ਼ ਲੋਕਾਂ ਦੀ ਖਿੱਚ ਦਾ ਕੇਂਦਰ ਰਹੇਗਾ।ਜਾਣਕਾਰੀ ਮੁਤਾਬਿਕ 22 ਸਾਲਾ ਮਾਰਕੋ ਜੈਨਸਨ ਨਾਂਅ ਦੇ ਤੇਜ਼ ਗੇਂਦਬਾਜ਼ ਨੂੰ ਦੱਖਣੀ ਅਫਰੀਕਾ ਦੀ 15 ਮੈਂਬਰੀ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਹੈ।ਜਿਸ ਦਾ ਕੱਦ 6 ਫੁੱਟ 8 ਇੰਚ ਤੇ ਗੇਂਦਬਾਜ਼ੀ ਦੀ ੍ਰਰਫਤਾਰ 140 ਤੋਂ 150 ਕਿਲੋਮੀਟਰ ਪ੍ਰਤੀ ਘੰਟਾ ਹੈ।ਕ੍ਰਿਕਟ ਪੰਡਤਾਂ ਦਾ ਕਹਿਣਾ ਹੈ ਕਿ ਮਾਰਕੋ ਨੂੰ ਖੇਡਣਾ ਦੁਨੀਆਂ ਭਰ ਦੇ ਧਾਕੜ ਬੱਲੇਬਾਜ਼ਾਂ ਲਈ ਵੀ ਇਕ ਵੱਡੀ ਚੁਨੌਤੀ ਰਹੇਗਾ।