ਨਹਿਰੂ ਮੈਮੋਰੀਅਲ ਕਾਲਜ ਮਾਨਸਾ ਵਿਖੇ ਈਕੋ ਪਾਰਕ ਦਾ ਹੋਇਆ ਉਦਘਾਟਨ

ਸਰਦੂਲਗੜ੍ਹ-12 ਅਕਤੂਬਰ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਸਰਕਾਰੀ ਨਹਿਰੂ ਮੈਮੋਰੀਅਲ ਕਾਲਜ ਮਾਨਸਾ ਵਿਖੇ ਤਿਆਰ ਕੀਤੇ ਈਕੋ ਪਾਰਕ ਦਾ ਉਦਘਾਟਨ ਜ਼ਿਲ੍ਹਾ ਡਿਪਟੀ ਕਮਿਸ਼ਨਰ ਬਲਦੀਪ ਕੌਰ ਨੇ ਕੀਤਾ।ਉਨ੍ਹਾਂ ਦੱਸਿਆ ਕਿ ਪਾਰਕ ਵਿਚ 37 ਪਰਜਾਤੀਆਂ ਦੇ 4400 ਪੌਦੇ ਲਗਾਏ ਗਏ ਹਨ। ਇਹ ਪੌਦੇ ਰਾਊਂਡ ਗਲਾਸ ਫਾਊਂਡੇਸ਼ਨ,ਜੰਗਲਾਤ ਵਿਭਾਗ ਤੇ ਮਗਨਰੇਗਾ ਸਕੀਮ ਤਹਿਤ ਲਗਾਏ ਗਏ ਹਨ।300 ਪੌਦੇ ਅਜੇ ਹੋਰ ਲਗਾਏ ਜਾਣਗੇ। ਇੱਥ 700 ਮੀਟਰ ਲੰਬੀ ਇਕ ਸੈਰਗਾਹ ਬਣਾਈ ਜਾਵੇਗੀ।ਪੰਛੀਆਂ ਦੇ ਆਲ੍ਹਣੇ ਤੇ ਲੋਕਾਂ ਦੇ ਬੈਠਣ ਲਈ ਬੈਂਚਾਂ ਦਾ ਪ੍ਰਬੰਧ ਵੀ ਕੀਤਾ ਜਾਵੇਗਾ।ਬੇਅਰਥ ਤੇ ਨਕਾਰਾ ਪਲਾਸਟਿਕ ਦੀਆਂ ਟਾਈਲਾਂ
ਤੋਂ ਤਿਆਰ ਕੀਤਾ ਗਿਆ ਪਾਰਕ ਲੋਕਾਂ ਦੀ ਖਿੱਚ ਦਾ ਕੇਂਦਰ ਬਣਿਆ ਹੋਇਆ ਹੈ।ਵਾਤਾਵਰਣ ਦੀ ਸ਼ੁੱਧਤਾ ਬਣਾਈ ਰੱਖਣ ਲਈ ਜ਼ਿਲ੍ਹਾ ਅਧਿਕਾਰੀ ਨੇ ਲੋਕਾਂ ਨੂੰ ਮੂਹਰੇ ਲੱਗ ਕੇ ਸਹਿਯੋਗ ਕਰਨ ਦੀ ਅਪੀਲ ਕੀਤੀ।ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ(ਵਿਕਾਸ) ਟੀ.ਬੈਨਿਥ,ਪ੍ਰਿੰਸੀਪਲ,ਰਘਵੀਰ ਸਿੰਘ ਮਾਨ ਸਹਾਇਕ ਡਾਇਰੈਕਟਰ ਯੂਵਕ ਸੇਵਾਵਾਂ ਤੇ ਹੋਰ ਲਕ ਹਾਜ਼ਰ ਸਨ।