ਸਰਬ ਸਾਂਝੀ ਸੇਵਾ ਸੰਸਥਾ ਝੰਡਾ ਕਲਾਂ ਨੇ ਕਰਵਾਏ ਕ੍ਰਿਕਟ ਮੈਚ, ਹੀਰਕੇ ਦੀ ਟੀਮ ਰਹੀ ਜੇਤੂ

ਸਰਦੂਲਗੜ੍ਹ – 2 ਮਈ (ਜ਼ੈਲਦਾਰ ਟੀ.ਵੀ.) ਨੌਜਵਾਨਾਂ ਨੂੰ ਖੇਡਾਂ ਨਾਲ ਜੋੜਨ ਤੇ ਨਸ਼ਿਆਂ ਤੋਂ ਬਚਾਈ ਰੱਖਣ ਦੀ ਮਨਸ਼ਾ ਨਾਲ ਸਰਬ ਸਾਂਝੀ ਸੇਵਾ ਸੰਸਥਾ ਝੰਡਾ ਕਲਾਂ ਵਲੋਂ ਪਿੰਡ ਦੇ ਸਟੇਡੀਅਮ ‘ਚ ਇਕ ਰੋਜ਼ਾ ਕ੍ਰਿਕਟ ਕੱਪ ਕਰਵਾਇਆ ਗਿਆ।ਜਿਸ ਵਿਚ ਦੂਰ ਨੇੜੇ ਦੀਆਂ ਕੁੱਲ 18 ਟੀਮਾਂ ਨੇ ਭਾਗ ਲਿਆ।ਫਾਈਨਲ ਮੁਕਬਾਲੇ ‘ਚ ਹੀਰਕੇ ਦੀ ਟੀਮ ਪਹਿਲੇ ਤੇ ਸ਼ਹੀਦਾਂਵਾਲੀ ਦੀ ਟੀਮ ਦੂਜੇ ਸਥਾਨ ਤੇ ਰਹੀ।ਵੱਡੀ ਗਿਣਤੀ ‘ਚ ਮੌਜੂਦ ਖੇਡ ਪ੍ਰੇਮੀਆਂ ਨੇ ਕ੍ਰਿਕਟ ਮੇਲੇ ਦਾ ਖ਼ੂਬ ਆਨੰਦ ਮਾਣਿਆ।ਰਸ਼ਪਾਲ ਭੁੱਲਰ ਯੂਕੇ ਵਾਲੇ ਪੂਰੇ ਟੂਰਨਾਮੈਂਟ ਦੌਰਾਨ ਲਾਈਵ ਜੁੜੇ ਰਹੇ।ਪੀਰ ਬਾਬ ਵਲੈਤ ਸ਼ਾਹ ਸਪੋਰਟਸ ਕਲੱਬ ਵਲੋਂ ਵਿਸ਼ੇਸ਼ ਸਹਿਯੋਗ ਦਿੱਤਾ ਗਿਆ।ਕਿਰਤ ਸਿੱਧੂ, ਅਰਸ਼ ਸਿੱਧੂ, ਜਿੰਦੂ ਵਿਰਕ, ਕਲੱਬ ਮੈਂਬਰ ਮਨੀ ਅਰੋੜਾ, ਰਣਜੀਤ ਮਹਿਕ, ਅਕਾਸ਼ ਬਿੱਲਾ, ਦਲਜੀਤ, ਧਰਮਵੀਰ, ਹਰਪ੍ਰੀਤ, ਜਰਮਨ, ਸੌਰਵ ਸਨੀ, ਮਲਕੀਤ, ਸਰਵਨ, ਨਿਰੰਜਨ ਬਤੌਰ ਪ੍ਰਬੰਧਕ ਹਾਜ਼ਰ ਸਨ।