ਸਰਦੂਲਗੜ੍ਹ ਵਿਖੇ ਦੁਕਾਨ ਤੋਂ ਲੱਖਾਂ ਰੁ. ਦੇ ਟਾਇਰ ਚੋਰੀ

ਸਰਦੂਲਗੜ੍ਹ-7 ਅਪ੍ਰੈਲ (ਜ਼ੈਲਦਾਰ ਟੀ.ਵੀ.) 5-6 ਅਪ੍ਰੈਲ ਦੀ ਦਰਮਿਆਨੀ ਰਾਤ ਨੂੰ ਸਰਦੂਲਗੜ ਵਿਖੇ ਘੱਗਰ ਪੁਲ਼ ਦੇ ਨੇੜੇ ਸਨਮਤੀ ਟਾਇਰ ਸੇਲਜ਼ ਦੀ ਦੁਕਾਨ ਤੋਂ ਲੱਖਾਂ ਰੁ. ਦੇ ਟਾਇਰ ਚੋਰੀ ਹੋ ਜਾਣ ਦੀ ਖਬਰ ਹੈ।ਦੁਕਾਨ ਮਾਲਕ ਭੀਸ਼ਮ ਜੈਨ ਨੇ ਦੱਸਿਆ ਕਿ ਟਰੈਕਟਰਾਂ ਦੇ ਮੂਹਰਲੇ 6 ਤੇ 26 ਵੱਡੇ ਟਾਇਰ, ਟਰੱਕਾਂ ਦੇ 12, ਪਿਕਅੱਪ ਗੱਡੀਆਂ ਦੇ 18 ਟਾਇਰਾਂ ਸਮੇਤ ਕਾਰਾਂ ਦੇ ਵੀ ਕੁਝ ਟਾਇਰ ਚੋਰੀ ਹੋਏ ਹਨ।ਦੁਕਾਨ ਦੇ ਜਿੰਦਰੇ ਤੋੜ ਕੇ ਘਟਨਾ ਨੂੰ ਅੰਜ਼ਾਮ ਦਿਤਾ ਗਿਆ।ਜਿਸ ਸਬੰਧੀ ਸਥਾਨਕ ਥਾਣੇ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।ਪੁਲਿਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੀ ਹੈ।