ਸਰਦੂਲਗੜ੍ਹ ਵਿਖੇ ਡਿਵਾਈਡਰ ‘ਚ ਲੋੜੀਂਦੇ ਲਾਂਘੇ ਨਾ ਰੱਖਣ ਤੇ ਲਗਾਇਆ ਧਰਨਾ

ਸਰਦੂਲਗੜ੍ਹ – 08 ਜੂਨ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਸਿਰਸਾ ਮਾਨਸਾ ਰਾਸ਼ਟਰੀ ਮਾਰਗ ਤੇ ਸਰਦੂਲਗੜ੍ਹ ਵਿਖੇ ਬਣਾਏ ਗਏ ਡਿਵਾਈਡਰ ‘ਚ ਲੋੜੀਂਦੇ ਕੱਟ ਨਾ ਰੱਖੇ ਜਾਣ ਦੇ ਰੋਸ ਵੱਜੋਂ ਸ਼ਹਿਰ ਵਾਸੀਆਂ ਨੇ ਧਰਨਾ ਲਗਾਇਆ। ਹਾਜ਼ਰ ਬੁਲਾਰਿਆਂ ਨੇ ਕਿਹਾ ਕਿ ਅਨਾਜ਼ ਮੰਡੀ, ਰੋੜਕੀ ਰੋਡ, ਸਬਜ਼ੀ ਮੰਡੀ ਤੇ ਹਸਪਤਾਲ ਨੂੰ ਜਾਣ ਵਾਲੇ ਰਸਤੇ ਦੇ ਸਾਹਮਣੇ ਲਾਂਘਾ ਨਾ ਰੱਖਣ ਕਰਕੇ ਲੋਕਾਂ ਨੂੰ ਬਹੁਤ ਪਰੇਸ਼ਾਨੀ ਹੋਵੇਗੀ। ਨਾਇਬ ਤਹੀਸੀਲਦਾਰ ਦਰਸ਼ਨ ਸਿੰਘ ਵਲੋਂ ਮਸਲੇ ਦੇ ਹੱਲ ਦਾ ਭਰੋਸਾ ਦੇਣ ਤੇ ਧਰਨਾ ਸਮਾਪਤ ਕਰ ਦਿੱਤਾ ਗਿਆ। ਇਸ ਮੌਕੇ ਡਾ. ਬਿੱਕਰਜੀਤ ਸਿੰਘ ਸਾਧੂਵਾਲਾ, ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਦੇ ਬਲਾਕ ਪ੍ਰਧਾਨ ਮਨਜੀਤ ਸਿੰਘ ਉੱਲਕ, ਸਮਾਜ ਸੇਵੀ ਕਾਕਾ ਉੱਪਲ, ਸੁਖਵਿੰਦਰ ਸਿੰਘ ਸੁੱਖਾ ਭਾਊ, ਸੰਜੀਵ ਗਰਗ, ਜਗਜੀਤ ਸਿੰਘ ਸੰਧੂ, ਗਿਆਨ ਚੰਦ ਜੈਨ, ਗਗਨਦੀਪ, ਸੀਤਾਰਾਮ, ਵਿਜੈ ਲਹਿਰੀ, ਰਾਧੇ ਸ਼ਾਮ, ਦਰਸ਼ਨ ਮਿੱਤਲ, ਮਹਾਂਵੀਰ ਤੇ ਹੋਰ ਲੋਕ ਹਾਜ਼ਰ ਸਨ।