ਸਰਦੂਲਗੜ੍ਹ ਦੇ ਨੰਬਰਦਾਰਾਂ ਨੇ ਕੀਤੀ ਮੀਟਿੰਗ

ਸਰਦੂਲਗੜ੍ਹ-13 ਮਾਰਚ 2025 (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਪੰਜਾਬ ਨੰਬਰਦਾਰ ਯੂਨੀਅਨ ਤਹਿਸੀਲ ਸਰਦੂਲਗੜ੍ਹ ਦੀ ਮੀਟਿੰਗ ਸਥਾਨਕ ਕਚਹਿਰੀ ਵਿਖੇ ਸਰਬਜੀਤ ਸਿੰਘ ਟਿੱਬੀ ਹਰੀ ਸਿੰਘ ਦੀ ਪ੍ਰਧਾਨਗੀ ‘ਚ ਹੋਈ। ਇਸ ਦੌਰਾਨ ਲਟਕਦੀਆਂ ਮੰਗਾਂ ‘ਤੇ ਵਿਚਾਰ ਚਰਚਾ ਕੀਤੀ ਗਈ। ਨੰਬਰਦਾਰਾਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਵਿਧਾਨ ਸਭਾ ਚੋਣਾਂ 2022 ਤੋਂ ਪਹਿਲਾਂ ਉਨ੍ਹਾਂ ਨਾਲ ਕੀਤੇ ਗਏ ਵਾਅਦੇ ਪੂਰੇ ਕੀਤੇ ਜਾਣ। ਨੰਬਰਦਾਰਾਂ ਨੂੰ ਆਪਣੀ ਆਨਲਾਈਨ ਆਈ. ਡੀ. ਬਣਾਉਣ ਸਬੰਧੀ ਆਖਿਆ ਗਿਆ। ਕਚਹਿਰੀ ਵਿਚ ਨੰਬਰਦਾਰਾਂ ਦੇ ਬੈਠਣ ਲਈ ਪੱਕੇ ਤੌਰ ਤੇ ਕਮਰਾ ਅਲਾਟ ਕਰਨ ਦੀ ਮੰਗ ਕੀਤੀ ਗਈ। ਹਾਜ਼ਰ ਨੰਬਰਦਾਰਾਂ ਨੇ ਨਵੇਂ ਤਹਿਸਲਿਦਾਰ ਵਲੋਂ ਅਹੁਦਾ ਸੰਭਾਲੇ ਜਾਣ ਦਾ ਸਵਾਗਤ ਕੀਤਾ। ਇਸ ਮੌਕੇ ਪ੍ਰਤਿਮ ਸਿੰਘ ਬਾਜੇਵਾਲਾ, ਸੁਰਜੀਤ ਸਿੰਘ ਉੱਲਕ, ਵਿਜੈ ਕੁਮਾਰ ਕੌੜੀ, ਭੋਲਾ ਸਿੰਘ ਸਰਦੂਲੇਵਾਲਾ, ਕਸ਼ਮੀਰ ਸਿੰਘ ਕੁਸਲਾ, ਬੂਟਾ ਸਿੰਘ ਦਾਨੇਵਾਲਾ, ਸਰਬਣ ਸਿੰਗ ਆਦਮਕੇ, ਪਿਆਰਾ ਸਿੰਘ ਰਜ਼ਜੀਤਗੜ੍ਹ ਬਾਂਦਰਾਂ, ਮਹਿੰਦਰ ਸਿੰਘ ਸਰਦੂਲਗੜ੍ਹ, ਹਰਗੋਪਾਲ ਸਿੰਘ ਮੀਰਪੁਰ ਕਲਾਂ, ਕਰਨੈਲ ਸਿੰਘ ਮੋਫਰ, ਰਾਮ ਕੁਮਾਰ ਖੈਰਾ ਕਲਾਂ, ਮਜੀਠਾ ਸਿੰਘ ਸਰਦੂਲ਼ਗੜ੍ਹ, ਮੇਜਰ ਸਿੰਘ ਝੰਡਾ ਕਲਾਂ ਹਾਜ਼ਰ ਸਨ।