ਸਰਦੂਲਗੜ੍ਹ ਦੇ ਨੰਬਰਦਾਰਾਂ ਨੇ ਮਹੀਨੇਵਾਰ ਇਕੱਤਰਤਾ ਕੀਤੀ

ਸਰਦੂਲਗੜ੍ਹ-13 ਅਕਤੂਬਰ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਪੰਜਾਬ ਨੰਬਰਦਾਰ ਯੂਨੀਅਨ ਦੀ ਤਹਿਸੀਲ ਪੱਧਰੀ ਮਹੀਨੇਵਾਰ ਇਕੱਤਰਤਾ ਸਰਦੂਲਗੜ੍ਹ ਕਚਹਿਰੀ ਵਿਖੇ ਸਰਬਜੀਤ ਸਿੰਘ ਟਿੱਬੀ ਹਰੀ ਸਿੰਘ ਦੀ ਪ੍ਰਧਾਨਗੀ ‘ਚ ਹੋਈ। ਜਿਸ ਦੌਰਾਨ ਨੰਬਰਦਾਰ ਦੀਆਂ ਲਟਕਦੀਆਂ ਮੰਗਾਂ ਸਬੰਧੀ ਗੰਭੀਰਤਾ ਨਾਲ ਵਿਚਾਰ ਚਰਚਾ ਕੀਤੀ ਗਈ। ਨੰਬਰਦਾਰ ਆਗੂਆਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਉਨ੍ਹਾਂ ਨਾਲ ਕੀਤੇ ਵਾਅਦੇ ਪੂਰੇ ਕੀਤੇ ਜਾਣ। ਵਿਜੈ ਕੁਮਾਰ ਵਲੋਂ ਸੁਝਾਅ ਰੱਖਿਆ ਗਿਆ ਕਿ ਕੋਈ ਵੀ ਨੰਬਰਦਾਰ ਝੋਨੇ ਦੀ ਪਰਾਲ਼ੀ ਨੂੰ ਅੱਗ ਨਾਲ ਲਗਾਵੇ ਤੇ ਇਸ ਬਾਰੇ ਹੋਰ ਕਿਸਾਨਾਂ ਨੂੰ ਵੀ ਜਾਗਰੂਕ ਕੀਤਾ ਜਾਵੇ। ਇਸ ਮੌਕੇ ਮਹਿੰਦਰ ਸਿੰਘ ਸਰਦੂਲਗੜ੍ਹ, ਬਿੰਦਰ ਸਿੰਘ, ਜਸਵੰਤ ਸਿੰਘ ਚੋਟੀਆਂ, ਮੇਵਾ ਸਿੰਘ ਮੀਰਪੁਰ ਖੁਰਦ,ਕਸ਼ਮੀਰ ਸਿੰਘ ਕੁਸਲਾ, ਰੋਸ਼ਨ ਲਾਲ ਫੂਸਮੰਡੀ, ਰਾਮ ਲਾਲ ਖੈਰਾ ਕਲਾਂ, ਜਸਵੀਰ ਸਿੰਘ ਆਦਮਕੇ, ਹਰਗੋਪਾਲ ਸਿੰਘ ਮੀਰਪੁਰ ਕਲਾਂ, ਸੁਖਪਾਲ ਸਿੰਘ ਬੀਰੇਵਾਲਾ ਹਾਜ਼ਰ ਸਨ।