ਸਰਦੂਲਗੜ੍ਹ ਦੇ ਨੰਬਰਦਾਰਾਂ ਨੇ ਇਕੱਤਰਤਾ ਕੀਤੀ

ਸਰਦੂਲਗੜ੍ਹ-10 ਦਸੰਬਰ (ਜ਼ੈਲਦਾਰ ਟੀ.ਵੀ.) ਪੰਜਾਬ ਨੰਬਰਦਾਰ ਯੂਨੀਅਨ ਤਹਿਸੀਲ ਸਰਦੂਲਗੜ੍ਹ ਦੀ ਇਕੱਤਰਤਾ ਸਥਾਨਕ ਕਚਹਿਰੀ ਵਿਖੇ ਸਰਬਜੀਤ ਸਿੰਘ ਟਿੱਬੀ ਹਰੀ ਸਿੰਘ ਦੀ ਪ੍ਰਧਾਨਗੀ’ਚ ਹੋਈ।ਜਿਸ ਦੌਰਾਨ ਲਟਕਦੀਆਂ ਮੰਗਾਂ ਸਬੰਧੀ ਗੰਭੀਰਤਾ ਨਾਲ ਵਿਚਾਰ ਚਰਚਾ ਕੀਤੀ ਗਈ।ਨੰਬਰਦਾਰ ਆਗੂ ਵਿਜੈ ਕੁਮਾਰ ਕੌੜੀ,ਪ੍ਰੀਤਮ ਸਿੰਘ ਬਾਜੇਵਾਲਾ,ਸੁਰਜੀਤ ਸਿੰਘ ਨੇ ਕਿਹਾ ਪੰਜਾਬ ਸਰਕਾਰ ਜਾਣ-ਬੁੱਝ ਕੇ ਉਨ੍ਹਾਂ ਦੀਆਂ ਜਾਇਜ਼ ਮੰਗਾਂ ਨੂੰ ਅੱਖੋਂ ਪਰੋਖੇ ਕਰ ਰਹੀ ਹੈ।ਮੰਗਾਂ ਨੂੰ ਦੁਹਰਾਉਂਦੇ ਹੋਏ ਕਿਹਾ ਕਿ ਜ਼ਮੀਨ ਦੀ ਰਜਿਸ਼ਟਰੀ ਸਮੇਂ ਪਿੰਡ,ਪੱਤੀ ਜਾਂ ਵਾਰਡ ਦੇ ਨੰਬਰਦਾਰ ਦੀ ਮੌਜੂਦਗੀ ਯਕੀਨੀ ਬਣਾਈ ਜਾਵੇ।ਨੰਬਰਦਾਰਾਂ ਦਾ ਸਿਹਤ ਬੀਮਾ ਲਾਗੂ ਕੀਤਾ ਜਾਵੇ।ਮਾਣ ਭੱਤੇ ਵਿਚ ਵਾਧਾ ਕੀਤਾ ਜਾਵੇ।ਇਸ ਮੌਕੇ ਮਹਿੰਦਰ ਸਿੰਘ ਸਰਦੂਲਗੜ੍ਹ,ਹਰਗੋਪਾਲ ਸਿੰਘ ਮੀਰਪੁਰ,ਰਾਮ ਕੁਮਾਰ ਖੈਰਾ ਕਲਾਂ,ਲੁੱਦਰ ਸਿੰਘ ਬੁਰਜ ਭਲਾਈਕੇ,ਮਜੀਠਾ ਸਿੰਘ,ਕਸ਼ਮੀਰ ਸਿੰਘ,ਸੁਖਪਾਲ ਸਿੰਘ ਬੀਰੇਵਾਲਾ,ਗੁਰਤੇਜ ਸਿੰਘ ਬਰਨ,ਰਾਜ ਸਿੰਘ ਬਾਜੇਵਾਲਾ,ਹਰਬੰਸ ਸਿੰਘ ਭਗਵਾਨਪੁਰਾ,ਬੱਗਾ ਸਿੰਘ ਫੱਤਾ ਮਾਲੋਕਾ ਹਾਜ਼ਰ ਸਨ।