ਵੈੱਲਫੇਅਰ ਟਰੱਸਟ ਭਾਖੜੀਆਣਾ ਤੇ ਬਾਬਾ ਨਾਥ ਕਲੱਬ ਕੁਲਹਿਰੀ ਨੇ ਲੋੜਵੰਦ ਪਰਿਵਾਰਾਂ ਦੀ ਮਦਦ ਕੀਤੀ

ਸਰਦੂਲਗੜ੍ਹ- 1 ਫਰਵਰੀ (ਜ਼ੈਲਦਾਰ ਟੀ.ਵੀ.) ਸਰਦਾਰ ਸੁੱਚਾ ਸਿੰਘ ਮਾਤਾ ਕਰਮ ਕੌਰ ਵੈੱਲਅਫੇਅਰ ਟਰੱਸਟ ਭਾਖੜੀਆਣਾ ਫਗਵਾੜਾ ਤੇ ਬਾਬਾ ਨਾਥ ਸਪੋਰਟਸ ਐਂਡ ਵੈੱਲਫੇਅਰ ਕਲੱਬ ਕੁਲਹਿਰੀ ਵਲੋਂ ਸ਼ੁਰੂ ਕੀਤੀ ਸਮਾਜ ਸੇਵਾ ਮੁਹਿੰਮ ਤਹਿਤ ਲੋੜਵੰਦ ਪਰਿਵਾਰਾਂ ਦੀ ਮਦਦ ਕੀਤੀ ਜਾ ਰਹੀ ਹੈ।ਸੰਸਥਾ ਦੇ ਮੈਂਬਰ ਨਵੀ ਪ੍ਰਧਾਨ ਮੁਤਾਬਿਕ ਗੁਰਨੇ ਤੇ ਸਤੀਕੇ ਵਿਖੇ ਆਰਥਿਕ ਪੱਖੋਂ ਕਮਜ਼ੋਰ ਪਰਿਵਾਰਾਂ ਨੂੰ ਮਕਾਨ ਬਣਾਉਣ ਲਈ ਮਾਲੀ ਸਹਾਰਾ ਦਿੱਤਾ ਗਿਆ। ਇਸੇ ਤਰਾਂ ਸਤੀਕੇ ਪਿੰਡ ਦੇ ਇਕ ਹੋਰ ਪਰਿਵਾਰ ਨੂੰ ਰਹਿਣ ਲਈ ਕਮਰਾ ਬਣਾ ਕੇ ਦੇਣ ਦਾ ਕੰਮ ਜਾਰੀ ਹੈ।