ਲਖਮੀਰਵਾਲਾ ਦੇ ਪੰਜਾਬ ਜੇਤੂ ਖਿਡਾਰੀਆਂ ਦਾ ਪਿੰਡ ਪਰਤਣ ਤੇ ਨਿੱਘਾ ਸਵਾਗਤ

ਸਰਦੂਲਗੜ੍ਹ-27 ਅਕਤੂਬਰ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਪੰਜਾਬ ਸਰਕਾਰ ਵਲੋਂ ਕਰਵਾਈਆ ਖੇਡਾਂ ‘ਵਤਨ ਪੰਜਾਬ ਦੀਆਂ’ ਵਿਚ ਖੋ-ਖੋ ਖੇਡ ਮੁਕਾਬਲੇ ਦਾ ਸੋਨ ਤਮਗਾ ਜੇਤੂ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਲਖਮੀਰਵਾਲਾ ਦੀ ਟੀਮ ਦਾ ਪਿੰਡ ਪਰਤਣ ਤੇ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਜ਼ਿਕਰ ਯੋਗ ਹੈ ਕਿ 31 ਤੋਂ 40 ਸਾਲ ਉਮਰ ਵਰਗ ਦੇ ਮੁਕਾਬਲੇ ‘ਚ ਇਸ ਪਿੰਡ ਦੇ ਖਿਡਾਰੀਆਂ ਨੇ ਪੰਜਾਬ ਜੇਤੂ ਹੋਣ ਦਾ ਮਾਣ ਹਾਸਲ ਕਰਕੇ ਪੂਰੇ ਜ਼ਿਲ੍ਹੇ ਦਾ ਨਾਮ ਰੋਸ਼ਨ ਕੀਤਾ ਹੈ। ਕੋਚ ਤੇ ਅਧਿਆਪਕ ਅਵਤਾਰ ਸਿੰਘ ਅੱਕਾਂਵਾਲੀ ਸਮੇਤ ਸਮੁੱਚੀ ਟੀਮ ਨੂੰ ਪਿੰਡ ਵਾਸੀਆਂ ਨੇ ਗਰਮਜੋਸ਼ੀ ਨਾਲ ਖੁਸ਼ਆਮਦੀਦ ਆਖਦਿਆਂ ਲੱਡੂ ਵੰਡ ਕੇ ਖੁਸ਼ੀ ਮਨਾਈ। ਇਸ ਮੌਕੇ ਸਰਪੰਚ ਮਨਪ੍ਰੀਤ ਸਿੰਘ, ਸਕੂਲ ਚੇਅਰਮੈਨ ਜਸਵੀਰ ਸਿੰਘ ਸਾਬਕਾ ਪੰਚ ਤੇ ਚੇਅਰਮੈਨ ਮੱਖਣ ਸਿੰਘ, ਭੋਲਾ ਸਿੰਘ, ਸੂਬੇਦਾਰ ਮੇਜਰ ਲਾਲ ਸਿੰਘ, ਨਰਦੀਪ ਸਿੰਘ, ਰੋਹੀ ਸਿੰਘ, ਮੁੱਖ ਅਧਿਆਪਕ ਰਮਨਦੀਪ ਗੋਇਲ, ਗੁਰਬਚਨ ਸਿੰਘ ਤੋਂ ਇਲਵਾ ਸਮੂਹ ਸਟਾਫ ਤੇ ਸਕੂਲ ਦੇ ਵਿਦਿਆਰਥੀ ਹਾਜ਼ਰ ਸਨ।