ਰਿਕਾਰਡ ਤੋੜ ਵੋਟਾਂ ਦੇ ਫਰਕ ਨਾਲ ਜਿੱਤਣਗੇ ਬੀਬਾ ਬਾਦਲ – ਸੋਢੀ

ਸਰਦੂਲਗੜ੍ਹ- 7 ਮਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਬੀਬਾ ਹਰਸਿਮਰਤ ਕੌਰ ਬਾਦਲ ਇਸ ਵਾਰ ਵੀ ਬਠਿੰਡਾ ਲੋਕ ਸਭਾ ਹਲਕੇ ਤੋਂ ਰਿਕਾਰਡ ਤੋੜ ਵੋਟਾਂ ਨਾਲ ਜਿੱਤ ਪ੍ਰਾਪਤ ਕਰਨਗੇ। ਇੰਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਜ਼ਿਲ੍ਹਾ ਮਾਨਸਾ (ਸ਼ਹਿਰੀ) ਦੇ ਪ੍ਰਧਾਨ ਜਤਿੰਦਰ ਸਿੰਘ ਸੋਢੀ ਨੇ ਇਕ ਪ੍ਰੈੱਸ ਬਿਆਨ ਜਾਰੀ ਕਰਦੇ ਹੋਏ ਕੀਤਾ। ਉਨ੍ਹਾਂ ਕਿਹਾ ਬੀਬਾ ਜੀ ਦੀ ਬੇਦਾਗ਼ ਸ਼ਵੀ, ਠੋਸ ਦਲੀਲਾਂ, ਜਨਤਾ ਲਈ ਸੇਵਾ ਭਾਵਨਾ ਹੋਣ ਜਿਹੇ ਗੁਣ ਵਿਰੋਧੀਆਂ ਨੂੰ ਵੀ ਪ੍ਰਭਾਵਿਤ ਕਰਦੇ ਹਨ। ਬੀਬਾ ਬਾਦਲ ਦੀਆ ਪ੍ਰਾਪਤੀਆਂ ਤੇ ਕੰਮਾਂ ਦਾ ਜ਼ਿਕਰ ਕਰਦੇ ਹੋਏ ਦੱਸਿਆ ਕਿ ਦੇਸ਼ ਦੀ ਸਰਬੋਤਮ ਮਹਿਲਾ ਮੈਂਬਰ ਪਾਰਲੀਮੈਂਟ ਦਾ ਐਵਾਰਡ ਜਿੱਤ ਕੇ ਪੰਜਾਬ ਤੇ ਬਠਿੰਡੇ ਦੇ ਲੋਕਾਂ ਦਾ ਮਾਣ ਵਧਾਇਆ। ਬਠਿੰਡਾ ਵਿਚ ਏਮਜ਼, ਏਅਰਪੋਰਟ, ਐਡਵਾਂਸ ਕੈਂਸਰ ਕੇਅਰ, ਕੇਂਦਰੀ ਯੂਨੀਵਰਸਿਟੀ ਉਨ੍ਹਾਂ ਦੇ ਯਤਨਾਂ ਸਦਕਾ ਸਥਾਪਿਤ ਹੋਈ। ਕੋਰੋਨਾ ਕਾਲ ਤੇ ਹੜ੍ਹਾਂ ਦੇ ਮੌਸਮ ‘ਚ ਮੂਹਰੇ ਹੋ ਕੇ ਲੋਕਾਂ ਦੀ ਮਦਦ ਕੀਤੀ। ਬੇਰੁਜ਼ਗਾਰ ਲੜਕੀਆਂ ਨੂੰ ਬਿਨਾਂ ਕਿਸੇ ਭੇਦ ਭਾਵ ਤੋਂ ਸਿਲਾਈ ਕਢਾਈ ਮਸ਼ੀਨਾਂ ਵੰਡ ਕੇ ਰੋਜ਼ੀ-ਰੋਟੀ ਆਸਰੇ ਕੀਤਾ। ਇਸ ਕਰਕੇ ਲੋਕ ਸਭਾ ਹਲਕਾ ਬਠਿੰਡਾ ਦੇ ਲੋਕ ਲਗਾਤਾਰ ਚੌਥੀ ਵਾਰ ਬੀਬਾ ਬਾਦਲ ਨੂੰ ਪਾਰਲੀਮੈਂਟ ‘ਚ ਭੇਜਣ ਲਈ 1 ਜੂਨ 2024 ਦੀ ਉਡੀਕ ਬੇਸਬਰੀ ਨਾਲ ਕਰ ਰਹੇ ਹਨ। ਇਸ ਮੋਕੇ ਉਹਨਾਂ ਨਾਲ ਪ੍ਰੇਮ ਚੌਹਾਨ ਕੌਮੀ ਮੀਤ ਪ੍ਰਧਾਨ ਐਸ. ਸੀ. ਵਿੰਗ ਸ਼੍ਰੋਮਣੀ ਅਕਾਲੀ ਦਲ, ਰਣਜੀਤ ਸਿੰਘ ਜਟਾਣਾ, ਲੈਂਬਰ ਸਿੰਘ ਸੰਧੂ, ਹੇਮੰਤ ਹਨੀ ਹਾਜ਼ਰ ਸਨ।