ਰਾਈਫਲ ਸ਼ੂਟਿੰਗ ਮੁਕਾਬਲਿਆਂ ‘ਚ ਸਰਦੂਲਗੜ੍ਹ ਦੇ ਸ਼ੁੱਭਪ੍ਰੀਤ ਦੀ ਬੱਲੇ-ਬੱਲੇ

ਸਰਦੂਲਗੜ੍ਹ – 1 ਜੁਲਾਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਰਾਈਫਲ ਐਸੋਸੀਏਸ਼ਨ ਵਲੋਂ ਬੀਤੇ ਦਿਨੀਂ ਪੁਲਿਸ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਮਾਨਸਾ ਵਿਖੇ ਕਰਵਾਈ ਗਈ ਜ਼ਿਲ੍ਹਾ ਪੱਧਰੀ 27ਵੀਂ ਰਾਈਫਲ ਸ਼ੁੂਟਿੰਗ ਚੈਂਪੀਅਨਸ਼ਿਪ ‘ਚ ਸਰਦੂਲਗੜ੍ਹ ਦੇ ਸ਼ੁੱਭਪ੍ਰੀਤ ਸਿੰਘ ਸੋਫੀ ਪੁੱਤਰ ਜਗਜੀਤ ਸਿੰਘ ਕਾਕਾ (ਗੀਤਕਾਰ) ਨੇ 3 ਤਮਗੇ ਜਿੱਤ ਕੇ ਸ਼ਹਿਰ ਤੇ ਇਲਾਕੇ ਦਾ ਨਾਮ ਰੋਸ਼ਨ ਕੀਤਾ ਹੈ। ਗੱਲਬਾਤ ਕਰਦੇ ਹੋਏ ਸ਼ੁੱਭਪ੍ਰੀਤ ਨੇ ਦੱਸਿਆ ਕਿ ਉਸ ਨੇ 10 ਤੇ 50 ਮੀਟਰ ਰੇਂਜ ਦੇ ਮੁਕਾਬਲਿਆਂ ‘ਚ 1 ਗੋਲਡ, 1 ਸਿਲਵਰ ਤੇ 1 ਬਰੋਨਜ਼ ਮੈਡਲ ਹਾਸਲ ਕੀਤਾ ਹੈ।ਜ਼ਿਕਰ ਯੋਗ ਹੈ ਕਿ ਇਹ ਖਿਡਾਰੀ ਈਗਲ ਆਈ ਸ਼ੂਟਿੰਗ ਰੇਂਜ ਸਿਰਸਾ ਵਿਖੇ ਕੋਚ ਜਗਮਿੰਦਰ ਸਿੰਘ ਤੇ ਗੁਰਵਿੰਦਰ ਸਿੰਘ ਤੋਂ ਸਿਖਲਾਈ ਪ੍ਰਾਪਤ ਕਰ ਰਿਹਾ ਹੈ। ਐਸੋਸੀਏਸ਼ਨ ਦੇ ਪ੍ਰਧਾਨ ਡਾ. ਐਨ ਕੇ ਮਹਿਤਾ, ਜਨਰਲ ਸਕੱਤਰ ਸੁਰਿੰਦਰਪਾਲ ਤੇ ਹੋਰ ਪ੍ਰਬੰਧਕਾਂ ਵਲੋਂ ਜੇਤੂ ਖਿਡਾਰੀ ਨੂੰ ਪ੍ਰਮਾਣ ਪੱਤਰ ਤੇ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਗਿਆ।