ਰਣਜੀਤ ਗਰਗ ਹੈਪੀ ਬਣੇ ਮੀਡੀਆ ਕਲੱਬ ਸਰਦੂਲਗੜ੍ਹ ਦੇ ਪ੍ਰਧਾਨ

ਸਰਦੂਲਗੜ੍ਹ-13 ਅਗਸਤ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਮੀਡੀਆ ਕਲੱਬ ਸਰਦੂਲਗੜ੍ਹ ਦੀ ਇਕ ਵਿਸ਼ੇਸ਼ ਮੀਟਿੰਗ ਸੰਜੀਵ ਸਿੰਗਲਾ (ਪ੍ਰਧਾਨ) ਦੀ ਅਗਵਾਈ ‘ਚ ਕਲੱਬ ਦੇ ਦਫ਼ਤਰ ਵਿਖੇ ਹੋਈ।

ਇਕੱਤਰ ਮੀਡੀਆ ਕਰਮੀਆਂ ਨੇ ਘੱਗਰ ਦਰਿਆ ‘ਚ ਆਏ ਹੜ੍ਹ ਕਾਰਨ ਪ੍ਰਭਾਵਿਤ ਹੋਏ ਲੋਕਾਂ ਨਾਲ ਹਮਦਰਦੀ ਦਾ ਪ੍ਰਗਟਾਵਾ ਕਰਦਿਆਂ ਕਲੱਬ ਦੀਆਂ ਸਮਾਜ ਸੇਵੀ ਤੇ ਲੋਕ ਪੱਖੀ ਗਤੀਵਿਧੀਆ ਨੂੰ ਹੋਰ ਚੰਗੇਰੇ ਢੰਗ ਨਾਲ ਚਲਾਉਣ ਲਈ ਵਿਚਾਰ ਚਰਚਾ ਕੀਤੀ।

ਇਸ ਦੌਰਾਨ ਕਲੱਬ ਦੀ ਨਵੀਂ ਕਾਰਜਕਾਰਨੀ ਦੀ ਚੋਣ ਕੀਤੀ ਗਈ ਜਿਸ ਵਿਚ ਰਣਜੀਤ ਗਰਗ (ਹੈਪੀ) ਪ੍ਰਧਾਨ, ਦਲਜੀਤ ਸਿੰਘ ਸੰਘਾ ਉਪ ਪ੍ਰਧਾਨ, ਸੁਖਵਿੰਦਰ ਸਿੰਘ ਸੁੱਖੀ ਸਕੱਤਰ, ਕੁਲਵਿੰਦਰ ਸਿੰਘ ਕੜਵਲ ਨੂੰ ਖਜ਼ਾਨਚੀ ਥਾਪਿਆ ਗਿਆ। ਨਾਰਾਇਣ ਗਰਗ, ਸੰਜੀਵ ਸਿੰਗਲਾ ਤੇ ਗੁਰਜੀਤ ਸਿੰਘ ਸੰਧ ਨੂੰ ਕਲੱਬ ਦੀ ਸਰਪਰਸਤੀ ਦਾ ਜ਼ਿੰਮਾ ਸੌਂਪਿਆ। ਉਪਰੋਕਤ ਸਮੂਹ ਅਹੁਦੇਦਾਰਾਂ ਨੇ ਕਲੱਬ ਤੇ ਸਮਾਜ ਦੀ ਭਲਾਈ ਵਾਸਤੇ ਪੂਰੀ ਸ਼ਿੱਦਤ ਨਾਲ ਕੰਮ ਕਰਨ ਦਾ ਪ੍ਰਣ ਲਿਆ। ਇਸ ਮੌਕੇ ਸੁਖਵਿੰਦਰ ਸਿੰਘ ਨਿੱਕੂ, ਨੰਦ ਸਿੰਘ ਕੌੜੀ, ਧਰਮ ਚੰਦ ਸਿੰਗਲਾ ਹਾਜ਼ਰ ਸਨ।