ਮਾਲਵਾ ਕਾਲਜ ਸਰਦੂਲੇਵਾਲਾ ਵਿਖੇ ਲੇਖ ਮੁਕਾਬਲੇ ਕਰਵਾਏ

ਸਰਦੂਲਗੜ੍ਹ- 4 ਦਸੰਬਰ(ਜ਼ੈਲਦਾਰ ਟੀ.ਵੀ.) ਸਬ-ਡਵੀਜ਼ਨਲ ਕਾਨੂੰਨੀ ਸੇਵਾਵਾਂ ਕਮੇਟੀ ਸਰਦੂਲਗੜ੍ਹ ਦੀਆਂ ਹਿਦਾਇਤਾਂ ਮੁਤਾਬਿਕ ਮਾਲਵਾ ਕਾਲਜ ਸਰਦੂਲੇਵਾਲਾ ਵਿਖੇ ਭਾਰਤੀ ਸੰਵਿਧਾਨ ਸਬੰਧੀ ਲੇਖ ਮੁਕਬਾਲੇ ਕਰਵਾਏ ਗਏ।ਰਾਜਨੀਤੀ ਵਿਗਿਆਨ ਦੀਆਂ 50 ਵਿਦਿਆਰਥਣਾਂ ਨੇ ਮੁਕਾਬਲੇ’ਚ ਭਾਗ ਲਿਆ।ਜਿੰਨ੍ਹਾਂ ਦੁਆਰਾ ਸੰਵਿਧਾਨ ਪ੍ਰਤੀ ਆਪੋ-ਆਪਣੀ ਸਮਝ ਨਾਲ ਲਿਖੇ ਗਏ ਲੇਖ ਰੂਪੀ ਵਿਚਾਰਾਂ ਨੂੰ ਕਮੇਟੀ ਵਲੋਂ ਕਾਫੀ ਸਲਾਹਿਆ ਗਿਆ।ਸੰਸਥਾ ਦੇ ਚੇਅਰਮੈਨ ਜਤਿੰਦਰ ਸਿੰਘ ਸੋਢੀ ਨੇ ਵਿਦਿਆਰਥਣਾਂ ਨੂੰ ਸੰਵਿਧਾਨ ਪ੍ਰਤੀ ਡੂੰਘੀ ਸਮਝ ਰੱਖਣ ਤੇ ਚੰਗੀ ਕਾਰਗੁਜ਼ਾਰੀ ਦਿਖਾਉਣ ਲਈ ਵਧਾਈ ਦਿੱਤੀ।ਗਗਨਦੀਪ ਕੌਰ,ਰਮਨਦੀਪ ਕੌਰ,ਸੁਖਮਨਦੀਪ ਕੌਰ,ਸੁਖਜੀਤ ਕੌਰ,ਅਰਸ਼ਦੀਪ ਕੌਰ,ਰਾਜਵੀਰ ਕੌਰ ਨੂੰ ਯਾਦਗਾਰੀ ਚਿੰਨ੍ਹਾਂ ਨਾਲ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਮੈਨੇਜ਼ਿੰਗ ਡਾਇਰੈਕਟਰ ਰਾਜ ਸੋਢੀ,ਲੈਕਚਰਾਰ ਬਲਜੀਤਪਾਲ ਸਿੰਘ,ਜਸਪਾਲ ਕੌਰ,ਰਕਸ਼ਾ ਰਾਣੀ,ਸਿੰਬਲਪਾਲ ਕੌਰ,ਗੁਰਦੀਪ ਸਿੰਘ,ਸੁਨੀਤਾ ਰਾਣੀ ਹਾਜ਼ਰ ਸਨ।