ਮਾਲਵਾ ਕਾਲਜ ਵਿਖੇ ਤੀਆਂ ਦਾ ਤਿਓਹਾਰ ਮਨਾਇਆ

ਸਰਦੂਲਗੜ੍ਹ-22 ਅਗਸਤ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਮਾਲਵਾ ਕਾਲਜ ਸਰਦੂਲੇਵਾਲਾ ਵਿਖੇ ਤੀਆਂ ਦਾ ਤਿਓਹਾਰ ਧੂੰਮ-ਧਾਮ ਨਾਲ ਮਨਾਇਆ ਗਿਆ।ਵਿਦਿਆਰਥਣਾਂ ਨੇ ਗਿੱਧਾ, ਭੰਗੜਾ, ਸਕਿੱਟਾਂ ਤੋਂ ਇਲਾਵਾ ਪੰਜਾਬੀ ਪਹਿਰਾਵੇ ‘ਚ ਵੱਖ ਵੱਖ ਤਰਾਂ ਦੀਆਂ ਸੱਭਿਆਚਾਰਕ ਵੰਨਗੀਆਂ ਦੀ ਪੇਸ਼ਕਾਰੀ ਨਾਲ ਰਵਾਇਤੀ ਤੀਆਂ ਦਾ ਮਾਹੌਲ ਸਿਰਜ ਦਿੱਤਾ। ਇਸ ਦੌਰਾਨ ਬੀ.ਐੱਡ. ਕੋਰਸ ਦੀ ਵਿਦਿਆਰਥਣ ਚਰਨਜੀਤ ਕੌਰ ਨੂੰ ਮਿਸ ਪੰਜਾਬਣ, ਪੁਨੀਤ ਕੌਰ ਸੰਧੂ ਮਿਸ ਤੀਜ, ਰੁਪਿੰਦਰ ਕੌਰ ਨੂੰ ਸੁਨੱਖੀ ਮੁਟਿਆਰ ਦੇ ਖਿਤਾਬ ਨਾਲ ਨਿਵਾਜਿਆ ਗਿਆ।ਸਮਾਗਮ ਦੇ ਮੰਚ ਸੰਚਾਲਕ ਦੀ ਭੂਮਿਕਾ ਰਮਨਦੀਪ ਕੌਰ ਤੇ ਰਚਨਾ ਨੇ ਵਧੀਆ ਢੰਗ ਨਾਲ ਅਦਾ ਕੀਤੀ। ਸੰਸਥਾ ਦੀ ਮੱੁਖ ਪ੍ਰਬੰਧਕ ਰਾਜ ਸੋਢੀ ਨੇ ਸਮੂਹ ਲੜਕੀਆਂ ਨੂੰ ਤੀਆਂ ਦੇ ਤਿਓਹਾਰ ਦੀ ਵਧਾਈ ਦਿੱਤੀ। ਇਸ ਮੌਕੇ ਰਕਸ਼ਾ ਰਾਣੀ, ਅਮਨਦੀਪ ਕੌਰ,ਸੁਖਜੀਤ ਕੌਰ, ਸ਼ੈਲਪ੍ਰੀਤ ਕੌਰ,ਜਸਪਾਲ ਕੌਰ, ਰਕਸ਼ਾਰਾਣੀ, ਸਿੰਬਲਪਾਲ ਕੌਰ, ਮਨਦੀਪ ਕੌਰ,ਰੇਖਾ ਰਾਣੀ, ਆਇਸ਼ਾ, ਅਮਨਦੀਪ ਕੌਰ ਹਾਜ਼ਰ ਸਨ।