ਮਾਨਸਾ ਦੇ ਪਿੰਡ ਸਹਾਰਨਾ ‘ਚ ਸ਼ਹੀਦ ਦਾ ਬੁੱਤ ਲਗਾਇਆ , ਸ਼ਹੀਦ ਕੌਮ ਦਾ ਸਰਮਾਇਆ – ਅੱਕਾਂਵਾਲੀ

ਸਰਦੂਲਗੜ੍ਹ – 3 ਜੁਲਾਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਮਾਨਸਾ ਜ਼ਿਲੇ ਦੇ ਪਿੰਡ ਸਹਾਰਨਾ ਵਿਖੇ ਸ਼ਹੀਦ ਗੁਰਦੇਵ ਸਿੰਘ ਦਾ ਬੁੱਤ ਸਥਾਪਿਤ ਕੀਤਾ ਗਿਆ।ਜਿਸ ਤੋਂ ਪਰਦਾ ਹਟਾਉਣ ਦੀ ਰਸਮ ਚਰਨਜੀਤ ਸਿੰਘ ਅੱਕਾਂਵਾਲੀ ਚੇਅਰਮੈਨ ਜ਼ਿਲ੍ਹਾ ਯੋਜਨਾ ਬੋਰਡ ਤੇ ਜ਼ਿਲ੍ਹਾ ਪ੍ਰਧਾਨ ਆਮ ਆਦਮੀ ਪਾਰਟੀ ਮਾਨਸਾ ਨੇ ਅਦਾ ਕੀਤੀ। ਉਨ੍ਹਾਂ ਕਿਹਾ ਕਿ ਸ਼ਹੀਦ ਕੌਮ ਦਾ ਸਰਮਾਇਆ ਹੁੰਦੇ ਹਨ। ਸ਼ਹੀਦ ਸਰਦਾਰ ਗੁਰਦੇਵ ਸਿੰਘ ਦੀ ਕੁਰਬਾਨੀ ਨੌਜਵਾਨਾਂ ਲਈ ਹਮੇਸ਼ਾਂ ਪ੍ਰੇਣਾ ਸਰੋਤ ਰਹੇਗੀ। ਇਸ ਮੌਕੇ ਮਾਤਾ ਗੁਰਦੇਵ ਕੌਰ ਧਰਮਪਤਨੀ ਸ਼ਹੀਦ ਗੁਰਦੇਵ ਸਿੰਘ, ਰਾਮ ਸਿੰਘ, ਸੁਖਪਾਲ ਕੌਰ ਸਰਪੰਚ, ਤੇਜ ਕੌਰ, ਦਲਵਿੰਦਰ ਸਿੰਘ ਸਹਾਰਨਾ, ਡਾਕਟਰ ਸੁਰਿੰਦਰ ਸਿੰਘ, ਜਸਵੰਤ ਸਿੰਘ, ਸੂਬੇਦਾਰ ਮੇਜਰ ਦਰਸ਼ਨ ਸਿੰਘ, ਨੰਬਰਦਾਰ ਸੋਹਣ ਸਿੰਘ, ਮਾਸਟਰ ਲੱਖਾ ਸਿੰਘ, ਜਥੇਦਾਰ ਆਤਮਾ ਸਿੰਘ, ਬੱਬੂ ਸਿੰਘ, ਰਾਜ ਸਿੰਘ, ਹਰਚਰਨ ਸਿੰਘ, ਸਮੂਹ ਪਿੰਡ ਵਾਸੀ ਹਾਜ਼ਰ ਸਨ।