ਮਾਨਸਾ ਜ਼ਿਲ੍ਹੇ ਦੀਆਂ ਕਬੱਡੀ ਟੀਮਾਂ ਦੇ ਟਰਾਇਲ 18 ਫਰਵਰੀ ਨੂੰ

ਸਰਦੂਲਗੜ੍ਹ- 16 ਫਰਵਰੀ (ਜ਼ੈਲਦਾਰ ਟੀ.ਵੀ.) ਬਠਿੰਡਾ ਜ਼ੋਨ ਦੀ 69ਵੀਂ ਸੀਨੀਅਰ,38ਵੀਂ ਜੂਨੀਅਰ ਸਰਕਲ ਸਟਾਈਲ ਕਬੱਡੀ ਚੈਂਪੀਅਨਸ਼ਿੱਪ ਲਈ ਮਾਨਸਾ ਜ਼ਿਲ੍ਹੇ ਦੀਆਂ ਟੀਮਾਂ ਦੇ ਟਰਾਇਲ 18 ਫਰਵਰੀ 2023 ਨੂੰ ਬੁਢਲਾਡਾ ਦੇ ਅਹਿਮਦਪੁਰ ਵਿਖੇ ਹੋਣਗੇ।ਜ਼ਿਲ੍ਹਾ ਕਬੱਡੀ ਐਸੋਸੀਏਸ਼ਨ ਦੇ ਸਕੱਤਰ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਟੂਰਨਾਮੈਂਟ ਸੰਗਰੂਰ ਦੇ ਪਿੰਡ ਖਡਿਆਲ਼ ਵਿਖੇ 5,6 ਮਾਰਚ 2023 ਨੂੰ ਕਰਵਾਇਆ ਜਾ ਰਿਹਾ ਹੈ।ਜਿਸ ਲਈ ਸੀਨੀਅਰ ਲੜਕੀਆਂ ਤੇ ਜੂਨੀਅਰ ਲੜਕੇ,ਲੜਕੀਆਂ ਦੇ ਟਰਾਇਲ ਸਵੇਰੇ 11 ਵਜੇ ਰੱਖੇ ਗਏ ਹਨ।ਜੂਨੀਅਰ ਵਰਗ’ਚ ਜਨਮ ਮਿਤੀ ਸੰਨ 2003 ਜਾਂ ਇਸ ਤੋਂ ਬਾਅਦ ਦੀ ਮੰਨੀ ਜਾਵੇਗੀ।ਜਿਸ ਦਾ ਸਬੂਤ ਪੇਸ਼ ਕਰਨਾ ਲਾਜ਼ਮੀ ਹੋਵੇਗਾ।