ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਦੀ ਇਕੱਤਰਤਾ ਹੋਈ

ਸਰਦੂਲਗੜ੍ਹ-18 ਫਰਵਰੀ(ਜ਼ੈਲਦਾਰ ਟੀ.ਵੀ.) ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਦੀ ਇਕੱਤਰਤਾ ਟਿੱਬੀ ਹਰੀ ਸਿੰਘ ਵਿਖੇ ਬਲਾਕ ਪ੍ਰਧਾਨ ਹਰਪਾਲ ਸਿੰਘ ਮੀਰਪੁਰ ਦੀ ਪ੍ਰਧਾਨਗੀ’ਚ ਹੋਰੀ।ਜਥੇਬੰਦੀ ਵਲੋਂ ਕਿਸਾਨੀ ਮਸਲਿਆਂ ਨੂੰ ਹੱਲ ਕਰਾਉਣ ਲਈ ਭਵਿੱਖ ਦੇ ਸੰਘਰਸ਼ ਰੂਪ ਰੇਖਾ ਬਾਰੇ ਵਿਚਾਰ ਚਰਚਾ ਕੀਤੀ ਗਈ।ਕਿਸਾਨ ਆਗੂ ਮੀਰਪੁਰ ਨੇ ਕਿਹਾ ਨਰਮਾ ਖਰਾਬੇ ਦਾ ਮੁਆਵਜ਼ਾ,ਮਜ਼ਦੂਰਾਂ ਦੀ ਚੁਗਾਈ ਦੇ ਪੈਸੇ ਤੇ ਬੰਦੀ ਸਿੰਘਾ ਦੀ ਰਿਹਾਈ ਨੂੰ ਲੈ ਕੇ ਜਥੇਬੰਦੀ ਤਿੱਖਾ ਸੰਘਰਸ਼ ਵਿੱਢਣ ਜਾ ਰਹੀ ਹੈ।ਉਨ੍ਹਾਂ ਦੱਸਿਆ ਕਿ ਮੀਰਪੁਰ-ਭਗਵਨਾਪੁਰ ਹੀਂਗਣਾ ਸੜਕ ਦੇ ਨਿਰਮਾਣ ਦਾ ਰੁਕਿਆ ਕੰਮ ਕਿਸਾਨ ਯੂਨੀਅਨ ਦੀ ਮੰਗ ਤੇ ਮੁੜ ਸ਼ੁਰੂ ਹੋ ਗਿਆ ਹੈ।ਇਸ ਮੌਕੇ ਲੀਲਾ ਸਿੰਘ,ਗੁਰਤੇਜ ਸਿੰਘ ਟਿੱਬੀ,ਤਰਲੋਚਨ ਸਿੰਘ, ਸੁੱਖਾ ਸਿੰਘ ਹਾਜ਼ਰ ਸਨ।