ਭਾਕਿਯੂ ਏਕਤਾ ਉਗਰਾਹਾਂ ਨੇ ਫੂਸਮੰਡੀ ਵਿਖੇ ਲੱਗਿਆ ਚਿੱਪ ਵਾਲਾ ਮੀਟਰ ਉਤਾਰਿਆ

ਸਰਦੂਲਗੜ੍ਹ- 3 ਮਾਰਚ (ਜ਼ੈਲਦਾਰ ਟੀ.ਵੀ.) ਫੂਸਮੰਡੀ ਸਰਕਾਰੀ ਸਕੂਲ ਦਾ ਚਿੱਪ ਵਾਲਾ ਮੀਟਰ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਨੇ ਉਤਾਰ ਕੇ ਸਰਦੂਲਗੜ੍ਹ ਬਿਜਲੀ ਦਫ਼ਤਰ ਨੂੰ ਵਾਪਸ ਕਰ ਦਿੱਤਾ।ਬਲਾਕ ਪ੍ਰਧਾਨ ਹਰਪਾਲ ਸਿੰਘ ਮੀਰਪੁਰ ਨੇ ਦੱਸਿਆ ਕਿ ਉਪਰੋਕਤ ਸਕੂਲ ਦੇ ਗੇਟ ਮੂਹਰੇ ਸਥਿਤ ਖੰਭੇ ਤੇ ਬਿਜਲੀ ਮਹਿਕਮੇ ਨੇ ਇਹ ਮੀਟਰ ਲਗਾ ਦਿੱਤਾ ਸੀ।ਜਥੇਬੰਦੀ ਨੇ ਸਖ਼ਤ ਵਿਰੋਧ ਕਰਦੇ ਹੋਏ ਮੀਟਰ ਲਾਹ ਕੇ ਵਾਪਸ ਮੋੜ ਦਿੱਤਾ।ਕਿਸਾਨ ਆਗੂ ਨੇ ਚਿਤਾਵਨੀ ਦਿੱਤੀ ਕਿ ਪਾਵਰਕਾਮ ਦੇ ਇਸ ਵਰਤਾਰੇ ਦਾ ਹਰ ਥਾਂ ਤੇ ਵਿਰੋਧ ਕੀਤਾ ਜਾਵੇਗਾ।ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਚਿੱਪ ਵਾਲੇ ਮੀਟਰ ਲਾਉਣ ਦਾ ਫੈਸਲਾ ਵਾਪਸ ਲਿਆ ਜਾਵੇ।ਇਸ ਮੌਕੇ ਬਿੰਦਰ ਸਿੰਘ, ਲੀਲਾ ਸਿੰਘ, ਸੁਖਦੇਵ ਸਿੰਘ, ਨਿੱਕਾ ਸਿੰਘ, ਇਕਬਾਲ ਸਿੰਘ, ਮਨਜੀਤ ਸਿੰਘ, ਕੁਲਵੰਤ ਸਿੰਘ, ਸੁਖਦਰਸ਼ਨ ਸਿੰਘ, ਦੇਸ ਰਾਜ, ਕਰਤਾਰਾ ਰਾਮ, ਭਗਵਾਨ ਦਾਸ ਹਾਜ਼ਰ ਸਨ।