ਬੀਬਾ ਹਰਸਿਮਰਤ ਕੌਰ ਬਾਦਲ ਦੇ ਹੱਕ ‘ਚ ਵਗ ਰਹੀ ਹੈ, ਬਠਿੰਡਾ ਲੋਕ ਸਭਾ ਹਲਕੇ ਦੀ ਚੋਣ ਹਵਾ – ਸੋਢੀ

ਸਰਦੂਲਗੜ੍ਹ-22 ਅਪ੍ਰੈਲ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਲਗਾਤਾਰ ਚੌਥੀ ਵਾਰ ਬੀਬਾ ਹਰਸਿਮਰਤ ਕੌਰ ਬਾਦਲ ਦੇ ਹੱਕ ‘ਚ ਵਗ ਰਹੀ ਹੈ, ਲੋਕ ਸਭਾ ਹਲਕਾ ਬਠਿੰਡਾ ਦੀ ਚੋਣ ਹਵਾ। ਇੰਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ (ਮਾਨਸਾ) ਸ਼ਹਿਰੀ ਦੇ ਜਿਲ੍ਹਾ ਪ੍ਰਧਾਨ ਐਡਵੋਕੇਟ ਜਤਿੰਦਰ ਸਿੰਘ ਸੋਢੀ ਨੇ ‘ਵੋਟ ਬੀਬਾ ਹਰਸਿਮਰਤ ਕੌਰ ਬਾਦਲ ਨੂੰ ਹੀ ਕਿਉਂ ? ਦੇ ਸਵਾਲ ‘ਤੇ ਗੱਲਬਾਤ ਕਰਦੇ ਹੋਏ ਕੀਤਾ। ਉਨ੍ਹਾਂ ਦੱਸਿਆ ਕਿ ਲੋਕ ਸਭਾ ਹਲਕਾ ਬਠਿੰਡਾ ਤੋਂ ਲਗਾਤਾਰ ਤਿੰਨ ਵਾਰ ਜੇਤੂ ਬੀਬਾ ਹਰਸਿਮਰਤ ਕੌਰ ਬਾਦਲ ਨੇ ਦੇਸ਼ ਦੀ ਸਰਬੋਤਮ ਮਹਿਲਾ ਮੈਂਬਰ ਪਾਰਲੀਮੈਂਟ ਹੋਣ ਦਾ ਸਨਮਾਨ ਹਾਸਲ ਕੀਤਾ। ਐਨ. ਜੀ. ਓ. ‘ਨੰਨੀ ਛਾਂ’ ਤਹਿਤ ਕੁੱਖਾਂ ਤੇ ਰੁੱਖਾਂ ਦੀ ਰਾਖੀ ਕਰ ਵੱਡੀ ਗਿਣਤੀ ‘ਚ ਪੜ੍ਹੀਆਂ-ਲਿਖੀਆਂ ਬੇਰੁਜ਼ਗਾਰ ਮਹਿਲਾਵਾਂ ਨੂੰ ਆਤਮ ਨਿਰਭਰ ਬਣਾਇਆ। ਪਿਛਲੇ 14 ਸਾਲਾਂ ਤੋਂ ਹੁਣ ਤੱਕ ਤਕਰੀਬਨ 25 ਲੱਖ ਬੂਟੇ ਪ੍ਰਸ਼ਾਦ ਦੇ ਰੂਪ ‘ਚ ਵੰਡ ਕੇ ਵਾਤਾਵਰਣ ਨੂੰ ਬਚਾਉਣ’ਚ ਅਹਿਮ ਯੋਗਦਾਨ ਪਾਇਆ ਹੈ। ਇਮਾਨਦਾਰ ਤੇ ਮਿਹਨਤੀ ਹੋਣਾਂ ਉਨ੍ਹਾਂ ਦੇ ਸੁਭਾਅ ਦਾ ਇਕ ਚੰਗਾ ਪੱਖ ਹੈ। ਕਰੋਨਾ ਕਾਲ ਤੇ ਹੜ੍ਹਾਂ ਦੌਰਾਨ ਉਨ੍ਹਾਂ ਵਲੋਂ ਸੇਵਾ ਭਾਵਨਾ ਨਾਲ ਨਿਭਾਈ ਜ਼ਿੰਮੇਵਾਰੀ ਨੂੰ ਸਮਾਜ ਦੇ ਹਰ ਵਰਗ ਨੇ ਸਲਾਹਿਆ। ਸਕੂਲਾਂ, ਹਸਪਤਾਲਾਂ ਦਾ ਵਿਕਾਸ, ਏਅਰਪੋਰਟ ਬਠਿੰਡਾ, ਏਮਜ਼ ਬਠਿੰਡਾ, ਬਿਜਲੀ ਉਤਪਾਦਨ ਦੇ ਪਲਾਂਟ, ਰੇਲਵੇ ਦੇ ਮਸਲੇ, ਪੰਜਾਬ ਪੁਲਿਸ ਵਿਚ ਲੜਕੀਆਂ ਦੀ ਵੱਧ ਭਰਤੀ, ਰਾਸ਼ਟਰੀ ਸੜਕਾਂ ਦਾ ਨਿਰਮਾਣ, ਗਊਸ਼ਾਲਾਵਾਂ ਦੀਆਂ ਇਮਾਰਤਾਂ ਲਈ ਫੰਡ ਜਾਰੀ ਕਰਨ ਜਿਹੇ ਬਿਨਾਂ ਭੇਦ ਭਾਵ ਤੋਂ ਕੀਤੇ ਸਰਬਪੱਖੀ ਵਿਕਾਸ ਦੇ ਕੰਮ ਉਨ੍ਹਾਂ ਨੂੰ ਦੂਜਿਆਂ ਤੋਂ ਬਿਹਤਰ ਸਾਬਿਤ ਕਰਦੇ ਹਨ। ਜਿਸ ਕਰਕੇ ਬਠਿੰਡਾ ਲੋਕ ਸਭਾ ਹਲਕੇ ਦੇ ਲੋਕ ਇਕ ਵਾਰ ਫਿਰ ਬੀਬਾ ਜੀ ਨੂੰ ਜਿਤਾਉਣ ਦਾ ਮਨ ਬਣਾ ਚੁੱਕੇ ਹਨ ਤਾਂ ਜੋ ਪੰਜਾਬ ਦੇ ਹੱਕਾਂ ਲਈ ਇਹ ਬੁਲੰਦ ਆਵਾਜ਼ ਪਾਰਲੀਮੈਂਟ ਵਿਚ ਹਮੇਸ਼ਾਂ ਗੂੰਜਦੀ ਰਹੇ।