ਬਿਕਰਮ ਮੋਫਰ ਤੇ ਗੁਰਬਾਜ ਸਿੱਧੂ ਨੇ ਭਖਾਈ ‘ਜੀਤਮਹਿੰਦਰ’ ਦੀ ਚੋਣ ਮੁਹਿੰਮ

ਸਰਦੂਲਗੜ-5 ਮਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)
ਕਾਂਗਰਸੀ ਆਗੂ ਤੇ ਜ਼ਿਲ੍ਹਾ ਪ੍ਰੀਸ਼ਦ ਚੇਅਰਮੈਨ ਬਿਕਰਮ ਸਿੰਘ ਮੋਫਰ ਨੇ ਬਠਿੰਡਾ ਲੋਕ ਸਭਾ ਹਲਕੇ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਜੀਤਮਹਿੰਦਰ ਸਿੰਘ ਸਿੱਧੂ ਦੀ ਚੋਣ ਮੁਹਿੰਮ ਨੂੰ ਭਖਾਉਂਦਿਆ ਉਨ੍ਹਾਂ ਦੇ ਬੇਟੇ ਗੁਰਬਾਜ ਸਿੰਘ ਸਿੱਧੂ ਦੇ ਨਾਲ ਸਰਦੂਲਗੜ੍ਹ ਦੇ ਪਿੰਡ ਬੀਰੇਵਾਲਾ, ਝੇਰਿਆਂਵਾਲੀ, ਮੀਆਂ, ਉੱਲਕ, ਘੁੱਦੂਵਾਲਾ, ਭਲਾਈਕੇ, ਦਸੌਂਧੀਆ, ਭੰਮੇ ਖੁਰਦ, ਦਾਨੇਵਾਲਾ, ਨੰਦਗੜ੍ਹ ਤੇ ਮੋਫਰ ਵਿਖੇ ਵਰਕਰ ਮਿਲਣੀ ਕੀਤੀ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਪਾਰਟੀ ਹੀ ਦੇਸ਼ ਦਾ ਸਰਬਪੱਖੀ ਵਿਕਾਸ ਕਰ ਸਕਦੀ ਹੈ। ਮੌਜੂਦਾ ਕੇਂਦਰ ਸਰਕਾਰ ਸਿਰਫ ਕਾਰਪੋਰੇਟ ਘਰਾਣਿਆਂ ਦੀ ਸਰਕਾਰ ਹੋ ਕੇ ਰਹਿ ਗਈ ਹੈ। ਦੇਸ਼ ਦਾ ਹਰ ਵਰਗ ਕੇਂਦਰ ਸਰਕਾਰ ਤੋਂ ਦੁਖੀ ਹੈ। ਪੰਜਾਬ ਦੀ ਮਾਨ ਸਰਕਾਰ ਵੀ ਲੋਕਾਂ ਦੀਆਂ ਆਸਾਂ ‘ਤੇ ਖਰੀ ਨਹੀਂ ਉਤਰ ਸਕੀ। ਉਨ੍ਹਾਂ ਅਪੀਲ ਕੀਤੀ ਕਿ ਦੇਸ਼ ਦੀ ਮਜ਼ਬੂਤੀ ਲਈ ਕਾਂਗਰਸ ਪਾਰਟੀ ਦੇ ਪੰਜੇ ਨੂੰ ਮਜ਼ਬੂਤ ਕੀਤਾ ਜਾਵੇ। ਇਸ ਮੌਕੇ ਯੂਥ ਹਲਕਾ ਪ੍ਰਧਾਨ ਲਛਮਣ ਦਸੌਂਧੀਆਂ, ਪੋਲੋਜੀਤ ਸਿੰਘ ਬਾਜੇਵਾਲਾ, ਬਲਵਿੰਦਰ ਸਿੰਘ ਚੈਨੇਵਾਲਾ, ਬਿੰਦਰ ਮਾਨ, ਗੁਰਵਿੰਦਰ ਸਿੰਘ, ਪੰਮੀ ਸਰਪੰਚ ਰਾਏਪੁਰ, ਬਲਜੀਤ ਸਿੰਘ ਸਾਬਕਾ ਸਰਪੰਚ ਧਿੰਗੜ, ਬਲਵੰਤ ਸਿੰਘ ਬਲਾਕ ਪ੍ਰਧਾਨ ਝਨੀਰ, ਨਾਜ਼ਮ ਸਿੰਘ ਬਣਾਂਵਾਲੀ ਤੇ ਹੋਰ ਪਾਰਟੀ ਵਰਕਰ ਹਾਜ਼ਰ ਸਨ।