ਬਾਬਾ ਹੰਸ ਗਿਰ-ਜਮਨਾ ਗਿਰ ਯਾਦਗਾਰੀ ਗੇਟ ਤੇ ਸੋਲਰ ਲਾਈਟਾਂ ਲਗਾਈਆਂ, ਬੀ.ਡੀ.ਪੀ.ਓ ਕਾਕਾ ਸਿੰਘ ਨੇ ਕਰਾਈ ਲਾਈਟਾਂ ਦੀ ਸੇਵਾ

ਸਰਦੂਲਗੜ੍ਹ-29 ਮਾਰਚ (ਜ਼ੈਲਦਾਰ ਟੀ.ਵੀ) ਮੀਰਪੁਰ ਕਲਾਂ ਵਿਖੇ ਸਨਿਆਸੀ ਸੰਤ ਬਾਬਾ ਹੰਸ ਗਿਰ-ਬਾਬਾ ਜਮਨਾ ਗਿਰ ਦੀ ਯਾਦ‘ਚ ਬਣਾਏ ਗੇਟ ਤੇ ਰਾਤ ਨੂੰ ਰੋਸ਼ਨੀ ਦੇ ਪ੍ਰਬੰਧ ਲਈ ਸੋਲਰ ਲਾਈਟਾਂ ਲਗਾਈਆਂ ਗਈਆਂ।ਜਿਸ ਦੀ ਸੇਵਾ ਸਾਬਕਾ ਬੀ.ਡੀ.ਪੀ.ਓ. ਕਾਕਾ ਸਿੰਘ ਦੰਦੀਵਾਲ ਤੇ ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਕੀਤੀ ਗਈ।ਜ਼ਿਕਰ ਯੋਗ ਹੈ ਕਿ ਉਪਰੋਕਤ ਸੰਤਾਂ ਦੇ ਨਾਂਅ ਤੇ ਚੱਲ ਰਹੇ ਇਸ ਇਤਿਹਾਸਕ ਡੇਰੇ ਪ੍ਰਤੀ ਪਿੰਡ ਵਾਸੀਆਂ ਤੋਂ ਇਲਾਵਾ ਦੂਰ-ਦੁਰਾਡੇ ਦੇ ਲੋਕ ਵੀ ਅਥਾਹ ਸ਼ਰਧਾ ਰੱਖਦੇ ਹਨ।ਇਸ ਮੌਕੇ ਹਰਭਜਨ ਸਿੰਘ ਜ਼ੈਲਦਾਰ, ਜੱਗਾ ਸਿੰਘ, ਚਮਕੌਰ ਸਿੰਘ ਤੇ ਹੋਰ ਸੇਵਾਦਾਰ ਹਾਜ਼ਰ ਸਨ।