ਬਰੱਕਤ ਕੁਟੀਆ ਮਾਨਸਾ ਖੁਰਦ ਵਿਖੇ ਬਾਬਾ ਸ੍ਰੀ ਚੰਦ ਨੂੰ ਸਮਰਪਿਤ ਸਮਾਗਮ ਕਰਵਾਇਆ

ਸਰਦੂਲਗੜ੍ਹ-30 ਸਤੰਬਰ (ਬਿਕਰਮ ਵਿੱਕੀ)
ਸੰਤ ਬ੍ਰਹਮਲੀਨ ਮਹਾਮੰਡਲੇਸ਼ਵ ਰਾਧਾ ਸੁਆਮੀ ਨਿਰੰਜਨ ਦੇਵ ਜੀ ਦੇ ਅਸਥਾਨ ਬਰੱਕਤ ਕੁਟੀਆ ਮਾਨਸਾ ਖੁਰਦ ਵਿਖੇ ਗੱਦੀ ਨਸ਼ੀਨ ਮਹੰਤ ਪਰਸ਼ੋਤਮ ਦਾਸ ਦੀ ਅਗਵਾਈ ‘ਚ ਬਾਬਾ ਸ੍ਰੀ ਚੰਦ ਜੀ ਮਹਾਰਾਜ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਅਖੰਡ ਪਾਠਾਂ ਦੇ ਭੋਗ ਪਾਏ ਗਏ। ਇਸ ਦੌਰਾਨ ਬਾਬਾ ਸ਼ਿਵਜੰਟ ਸਿੰਘ ਨੇ ਇਲਾਹੀ ਬਾਣੀ ਰਸਭਿੰਨਾਂ ਕੀਰਤਨ ਕੀਤਾ।ਮਾਸਟਰ ਭੀਮ ਦੇ ਕਵੀਸ਼ਰੀ ਜਥੇ ਨੇ ਗੁਰੂ ਰਸ ਤੇ ਬਾਬਾ ਸ੍ਰੀ ਚੰਦ ਜੀ ਮਹਾਰਾਜ ਨਾਲ ਸਬੰਧਤ ਕਵਿਤਾਵਾਂ ਦਾ ਗਾਇਨ ਕੀਤਾ। ਅੰਤ ਵਿਚ ਮਹੰਤ ਪਰਸ਼ੋਤਮ ਦਾਸ ਨੇ ਗੁਰਮਤਿ ਵਿਚਾਰਾਂ ਕਰਦੇ ਮਨੁੱਖਤਾ ਦੇ ਭਲੇ ਤੇ ਅਮਨ ਸ਼ਾਂਤੀ ਦੀ ਕਾਮਨਾ ਕੀਤੀ। ਗੁਰੂ ਕਾ ਲੰਗਰ ਅਤੁੱਟ ਵਰਤਿਆ। ਇਸ ਮੌਕੇ ਹਰਿੰਦਰ ਸਿੰਘ ਮਾਨਸ਼ਾਹੀਆ ਪ੍ਰਧਾਨ ਸਭਿਆਚਾਰ ਚੇਤਨਾ ਮੰਚ ਮਾਨਸਾ, ਹਰਜੀਤ ਸਿੰਘ ਮਾਨਸ਼ਾਹੀਆ, ਦਲਜੀਤ ਸਿੰਘ ਸਾਬਕਾ ਸਰਪੰਚ ਮਾਨਸਾ ਖੁਰਦ, ਰਣਜੀਤ ਸਿੰਘ ਸਾਬਕਾ ਪੰਚ, ਸ਼ਿੰਦਰ ਸਿੰਘ ਕੋਟਲੱਲੂ, ਭੋਲਾ ਸਿੰਘ ਕੋਟਲੱਲੂ, ਅਰਜਨਜੀਤ ਸਿੰਘ, ਮਨਦੇਵ ਸਿੰਘ, ਅੰਗਰੇਜ਼ ਸਿੰਘ ਹਾਜ਼ਰ ਸਨ।