ਫੈੱਡਰੇਸ਼ਨ ਆਫ ਪ੍ਰਾਈਵੇਟ ਸਕੂਲ ਐਂਡ ਐਸੋਸੀਏਸ਼ਨ ਵਲੋਂ ਸੈਕਰਡ ਸੌਲਜ਼ ਸਕੂਲ ਸਰਦੂਲਗੜ੍ਹ ਦੇ ਅਧਿਆਪਕ ਤੇ ਵਿਦਿਆਰਥੀ ਸਨਮਾਨਿਤ

ਸਰਦੂਲਗੜ੍ਹ-15 ਦਸੰਬਰ (ਪ੍ਰਕਾਸ਼ ਸਿੰਘ ਜ਼ੈਲਦਾਰ)

ਫੈੱਡਰੇਸ਼ਨ ਆਫ ਪ੍ਰਾਈਵੇਟ ਸਕੂਲ ਐਂਡ ਐਸੋਸੀਏਸ਼ਨ ਵਲੋਂ ਚੰਡੀਗੜ੍ਹ ਵਿਖੇ ਕਰਵਾਏ ਗਏ ਨੈਸ਼ਨਲ ਅਵਾਰਡ ਸਮਾਗਮ 2023 ਦੌਰਾਨ ਸੈਕਰਡ ਸੌਲਜ਼ ਸਕੂਲ ਸਰਦੂਲਗੜ੍ਹ ਦੀਆਂ ਚਾਰ ਅਧਿਆਪਕਾਵਾਂ ਤੇ ਇਕ ਵਿਦਿਆਰਥੀ ਨੂੰ ਸਿੱਖਿਆ ਦੇ ਖੇਤਰ ‘ਚ ਚੰਗੀ ਕਾਰਗੁਜ਼ਾਰੀ ਦਿਖਾਉਣ ਬਦਲੇ ਸਨਮਾਨਿਤ ਕੀਤਾ ਗਿਆ। ਸਕੂਲ ਪ੍ਰਬੰਧਕਾਂ ਦੁਆਰਾ ਦਿੱਤੀ ਜਾਣਕਾਰੀ ਮੁਤਾਬਿਕ ਪ੍ਰਿੰਸੀਪਲ ਅਮਨਦੀਪ ਕੌਰ ਗਿੱਲ ਨੂੰ ਗੋਲਡਨ ਪ੍ਰਿੰਸੀਪਲ, ਰੁਪਿੰਦਰ ਕੌਰ ਤੇ ਪ੍ਰਿਅੰਕਾ ਨੂੰ ਪ੍ਰੇਰਨਾਦਾਇਕ ਅਧਿਆਪਕ ਵੱਜੋਂ ਸਨਮਾਨਿਤ ਕੀਤਾ ਗਿਆ। ਇਸੇ ਤਰਾਂ ਅੱਠਵੀਂ ਜਮਾਤ ਦੇ ਵਿਦਿਆਰਥੀ ਆਰੀਅਨ ਨੇ ਐਫ. ਏ. ਪੀ. ਦੁਆਰਾ ਕਰਵਾਏ ਸਾਇੰਸ ਓਲੰਪੀਆਡ ਮੁਕਬਾਲੇ ‘ਚ ਸਟੇਟ ਚੈਂਪੀਅਨ ਦਾ ਖਿਤਾਬ ਹਾਸਲ ਕੀਤਾ। ਇਸ ਤੋਂ ਇਲਾਵਾ 24 ਵਿਦਿਆਰਥੀਆਂ ਨੂੰ ਜ਼੍ਹਿਲਾ ਮੋਹਰੀ ਹੋਣ ਦੇ ਤਮਗੇ ਦੇ ਕੇ ਨਿਵਾਜਿਆ ਗਿਆ। ਸੰਸਥਾ ਦੇ ਮੈਨੇਜ਼ਿੰਗ ਡਾਇਰੈਕਟਰ ਆਲਮਬੀਰ ਸਿੰਘ ਤੇ ਭਗਤਪ੍ਰੀਤ ਸਿੰਘ ਨੇ ਇਸ ਸ਼ਾਨਦਾਰ ਪ੍ਰਾਪਤੀ ‘ਤੇ ਅਧਿਆਪਕਾਂ ਤੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ।