ਪੰਜਾਬ ਰਾਜ ਵਾਲੀਬਾਲ ਅੰਡਰ-19 ਸਕੂਲੀ ਖੇਡਾਂ’ਚ ਝੰਡੂਕੇ (ਮਾਨਸਾ) ਦੇ ਮੁੰਡਿਆਂ ਦੀ ਬੱਲੇ-ਬੱਲੇ

ਸਰਦੂਲਗੜ੍ਹ-22 ਨਵੰਬਰ(ਜ਼ੈਲਦਾਰ ਟੀ.ਵੀ.) ਬੀਤੇ ਦਿਨ ਬਰਨਾਲਾ ਦੇ ਧਨੌਲਾ ਵਿਖੇ ਸਮਾਪਤ ਹੋਈਆਂ ਪੰਜਾਬ ਰਾਜ ਵਾਲੀਬਾਲ (ਅੰਡਰ-19) ਸਕੂਲੀ ਖੇਡਾਂ ਦੌਰਾਨ ਝੰਡੂਕੇ (ਮਾਨਸਾ) ਪਿੰਡ ਦੇ ਮੁੰਡਿਆਂ ਦੀ ਬੱਲੇ-ਬੱਲੇ ਰਹੀ।ਜਾਣਕਾਰੀ ਮੁਤਾਬਿਕ ਫਾਈਨਲ ਮੈਚ ਦੇ ਫਸਵੇਂ ਮੁਕਾਬਲੇ’ਚ ਮੋਹਾਲੀ ਦੀ ਟੀਮ ਨੇ ਪਹਿਲਾ ਤੇ ਮਲੇਰਕੋਟਲਾ ਜ਼ਿਲ੍ਹੇ ਦੀ ਟੀਮ ਨੇ ਦੂਸਰਾ ਸਥਾਨ ਹਾਸਲ ਕੀਤਾ।ਜਿਸ ਵਿਚ ਸ਼ਾਮਲ ਝੰਡੂਕੇ ਪਿੰਡ ਦੇ 4 ਖਿਡਾਰੀਆਂ ਘੁੰਮਪ੍ਰੀਤ ਸਿੰਘ,ਸੁਖਮਨਦੀਪ ਸਿੰਘ,ਅਨਮੋਲਪ੍ਰੀਤ ਸਿੰਘ ਤੇ ਜਸਕਰਨ ਸਿੰਘ ਨੇ ਕਾਬਿਲੇ ਤਾਰੀਫ ਖੇਡ ਦਿਖਾਈ।ਸੰਗਰੂਰ ਜ਼ਿਲ੍ਹੇ ਦੀ ਟੀਮ ਨੂੰ ਤੀਜੇ ਸਥਾਨ ਤੇ ਹੀ ਸਬਰ ਕਰਨਾ ਪਿਆ।ਉਪਰੋਕਤ ਖਿਡਾਰੀਆਂ ਨੇ ਦੱਸਿਆ ਕਿ ਪੂਰੇ ਟੂਰਨਾਮੈਂਟ ਦੌਰਾਨ ਮਲੇਰਕੋਟਲਾ ਟੀਮ ਦੇ ਚੰਗੇ ਪ੍ਰਦਰਸ਼ਨ ਦਾ ਸਿਹਰਾ ਟੀਮ ਕੋਚ ਗੋਖਾ ਚੰਦ ਨੂੰ ਜਾਂਦਾ ਹੈ।