ਪ੍ਰਿੰਸੀਪਲ ਹਰਿੰਦਰ ਸਿੰਘ ਭੁੱਲਰ ਬਣੇ ਮਾਨਸਾ ਦੇ ਨਵੇਂ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ)

ਸਰਦੂਲਗੜ੍ਹ-1 ਦਸੰਬਰ (ਜ਼ੈਲਦਾਰ ਟੀ.ਵੀ.)ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਵਲੋਂ ਪ੍ਰਿੰਸੀਪਲ ਹਰਿੰਦਰ ਸਿੰਘ ਭੁੱਲਰ ਨੂੰ ਮਾਨਸਾ ਦਾ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ) ਲਗਾਏ ਜਾਣ ਤੇ ਵਿਦਿਅਕ ਹਲਕਿਆਂ’ਚ ਖੁਸ਼ੀ ਦੀ ਲਹਿਰ ਹੈ।ਹਰਿੰਦਰ ਸਿੰਘ ਇਸ ਵਕਤ ਪ੍ਰਿੰਸੀਪਲ ਸੀਨੀਅਰ ਸੈਕੰਡਰੀ ਸਕੂਲ ਫੱਤਾ ਮਾਲੋਕਾ,ਕਲੱਸਟਰ ਇੰਚਾਰਜ,ਕਈ ਹੋਰ ਸਕੂਲਾਂ ਦੇ ਮੁਖੀ ਵੱਜੋਂ ਕੰਮਕਾਜ ਦੇਖਣ ਤੋਂ ਇਲਾਵਾ ਸਿੱਖਿਆ ਵਿਭਾਗ’ਚ ਹੋਰ ਅਹਿਮ ਜ਼ਿੰਮੇਵਾਰੀਆਂ ਵੀ ਨਿਭਾਅ ਰਹੇ ਹਨ।ਸਿੱਖਿਆ ਮਹਿਕਮੇ’ਚ ਉਨ੍ਹਾਂ ਦੀ ਛਵੀ ਬਹੁਤ ਮਿਹਨਤੀ ਤੇ ਕਾਬਿਲ ਅਧਿਆਪਕ ਦੀ ਹੈ।ਨਵੇਂ ਨਿਯੁਕਤ ਸਿੱਖਿਆ ਅਧਿਕਾਰੀ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਉਹ ਸਿੱਖਿਆ ਦੇ ਮਿਆਰ ਨੂੰ ਵਧੇਰੇ ਉੱਚਾ ਚੁੱਕਣ  ਲਈ ਹਮੇਸ਼ਾਂ ਇਮਾਨਦਾਰੀ ਨਾਲ ਫਰਜ਼ ਨਿਭਾਉਣਗੇ