ਪ੍ਰਮੋਦ ਕੁਮਾਰ ਬਣੇ ਜੈ ਮਿਲਾਪ ਸੰਸਥਾ ਸਰਦੂਲਗੜ੍ਹ ਦੇ ਪ੍ਰਧਾਨ

ਸਰਦੂਲਗੜ੍ਹ- 13 ਜੂਨ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਜੈ ਮਿਲਾਪ ਸੰਸਥਾ (ਜੁਆਇੰਟ ਐਸੋਸੀਏਸ਼ਨ ਆਫ ਇੰਡੀਪੈਂਡੈਂਟ ਮੈਡੀਕਲ ਲੈਬੋਰੇਟਰੀ ਐਂਡ ਅਲਾਈਡ ਪ੍ਰੋਫੈਸ਼ਨਲਜ਼) ਬਲਾਕ ਸਰਦੂਲਗੜ੍ਹ ਦੇ ਅਹੁਦੇਦਾਰਾਂ ਦੀ ਚੋਣ ਸਬੰਧੀ ‘ਸੁਰੱਖਸ਼ਾ ਮਲਟੀਸਪੈਸ਼ਲਿਸਟ ਹਾਸਪੀਟਲ ਸਿਰਸਾ’ ਵਲੋਂ ਸਪਾਂਸਰ ਮੀਟੰਗ ਸ਼ਹਿਰ ਦੇ ਕਿੰਗਜ਼ ਹੋਟਲ ਵਿਖੇ ਹੋਈ। ਜਿਸ ਦੌਰਾਨ ਪ੍ਰਮੋਦ ਕੁਮਾਰ ਪ੍ਰਧਾਨ, ਗੁਰਮੀਤ ਸਿੰਘ ਫੱਤਾ ਮਾਲੋਕਾ ਸਕੱਤਰ ਤੇ ਵਰਿੰਦਰ ਸਿੰਘ ਫੱਤਾ ਮਾਲੋਕਾ ਨੂੰ ਸਰਬਸੰਮਤੀ ਨਾਲ ਕੈਸ਼ੀਅਰ ਥਾਪਿਆ ਗਿਆ। ਨਵ-ਨਿਯੁਕਤ ਪ੍ਰਧਾਨ ਨੇ ਐਸੋਸੀਏਸ਼ਨ ਦੇ ਸਮੂਹ ਮੈਂਬਰਾਂ ਦਾ ਧੰਨਵਾਦ ਕਰਦੇ ਹੋਏ ਭਰੋਸਾ ਦਿੱਤਾ ਕਿ ਉਹ ਆਪਣੀ ਜ਼ਿੰਮੇਵਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ। ਉਨ੍ਹਾਂ ਆਖਿਆ ਕਿ ਖੂਨਦਾਨ ਕੈਂਪ, ਵਾਤਾਵਰਣ ਦੀ ਸੰਭਾਲ਼ ਤੇ ਲੋਕ ਭਲਾਈ ਦੇ ਹੋਰ ਕਾਰਜ ਕਰਨੇ ਉਹਨਾਂ ਦਾ ਮੁੱਖ ਏਜ਼ੰਡਾ ਰਹੇਗਾ।

ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਰੋਹਤਾਸ ਸਿੰਗਲਾ, ਖਜ਼ਾਨਚੀ ਨਰਿੰਦਰ ਗਰਗ, ਸਤਪਾਲ ਸ਼ਰਮਾ ਸਾਬਕਾ ਪ੍ਰਧਾਨ, ਸੋਨਾ ਸਿੰਘ ਸਾਬਕਾ ਪ੍ਰਧਾਨ, ਅਵਤਾਰ ਸਿੰਘ, ਬਲਜਿੰਦਰ ਸਿੰਘ, ਪੈਟਰੋਲੀਅਮ ਟੀਮ ਦੇ ਲੀਡਰ ਗੁਰਵਿੰਦਰ ਸਿੰਘ, ਸੰਦੀਪ ਸਿੰਘ, ਸੰਦੀਪ ਕੁਮਾਰ, ਜਗਪਾਲ ਸਿੰਘ, ਦਰਸ਼ਨ ਸਿੰਘ, ਮਨਜਿੰਦਰ ਸਿੰਘ, ਸੰਜੀਵ ਕੁਮਾਰ, ਵਰਿੰਦਰ ਸਿੰਘ, ਗੁਰਜੀਤ ਸਿੰਘ, ਰਾਮਧਨ ਉੱਲਕ, ਮਨਦੀਪ ਸਿੰਘ, ਮੇਵਾ ਸਿੰਘ, ਗੁਰਜੀਤ ਸਿੰਘ ਕੁਸਲਾ, ਅੰਮ੍ਰਿਤ ਵਰਮਾ, ਗੁਰਪ੍ਰੀਤ ਸਿੰਘ ਗੋਰਾ ਸਿੰਘ, ਰਾਜ ਕੁਮਾਰ, ਸੰਦੀਪ ਸਿੰਘ, ਅਮਿਤ ਕੁਮਾਰ ਹਾਜ਼ਰ ਸਨ।