ਤੰਦਰੁਸਤ ਮਿਸ਼ਨ ਤਹਿਤ ਝੰਡੂਕੇ ਸਕੂਲ ਦੀ ਸਫ਼ਾਈ ਕੀਤੀ

ਸਰਦੂਲਗੜ੍ਹ- 21 ਦਸੰਬਰ (ਜ਼ੈਲਦਾਰ ਟੀ.ਵੀ.) ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਸਰਕਾਰੀ ਪ੍ਰਾਇਮਰੀ ਸਕੂਲ ਝੰਡੂਕੇ ਦੀ ਸਾਫ ਸਫਾਈ ਕੀਤੀ ਗਈ।ਅਧਿਆਪਕ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ ਸਮਾਜ ਸੇਵੀ ਲਾਭ ਸਿੰਘ ਦੇ ਉੱਦਮ ਸਦਕਾ ਪਿੰਡ ਵਾਸੀਆਂ ਦੇ ਵੱਡੇ ਸਹਿਯੋਗ ਨਾਲ ਸਕੂਲੀ ਇਮਾਰਤ ਦੀ ਝਾੜ-ਪੂੰਝ ਕਰਨ ਤੋਂ ਇਲਾਵਾ ਬਾਹਰੀ ਮੈਦਾਨ ਤੇ ਆਲੇ ਦੁਆਲੇ ਨੂੰ ਚੰਗੀ ਤਰਾਂ ਸੰਵਾਰਿਆ ਗਿਆ।ਇਸ ਮੁਹਿੰਮ’ਚ ਸਹਿਯੋਗ ਕਰਨ ਲਈ ਸਕੂਲ ਅਧਿਆਪਕਾਂ ਨੇ ਪਿੰਡ ਦੇ ਲੋਕਾਂ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਰਮਨਦੀਪ ਕੌਰ,ਬਹਾਦਰ ਸਿੰਘ,ਹਰਪਾਲ ਸਿੰਘ,ਭੋਲਾ ਸਿੰਘ ਹਾਜ਼ਰ ਸਨ।