ਗਊਸ਼ਾਲਾ ਰੋੜੀ ਵਿਖੇ ਸੰਤ ਯਮੁਨਾ ਮੁਨੀ ਯਾਦਗਾਰੀ ਸਮਾਧ ਦੀ ਨੀਂਹ ਰੱਖੀ

ਸਰਦੂਲਗੜ੍ਹ – 04 ਜੁਲਾਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਸਿਰਸਾ (ਹਰਿਆਣਾ) ਦੇ ਪਿੰਡ ਰੋੜੀ ਵਿਖੇ ਸ਼੍ਰੀ ਕ੍ਰਿਸ਼ਨ ਗਊਸ਼ਾਲਾ ਵਿਚ ਦੇਵ ਲੋਕ ਵਾਸੀ ਸੰਤ ਯਮੁਨਾ ਮੁਨੀ ਮਹਾਰਾਜ ਦੀ ਸਮਾਧ ਉਸਾਰੀ ਦੀ ਨੀਂਹ ਰੱਖੀ ਗਈ। ਮਹੂਰਤ ਡੇਰੇ ਦੇ ਗੱਦੀ ਨਸ਼ੀਨ ਸੰਤ ਸੀਤਾ ਰਾਮ ਨੇ ਆਪਣੇ ਕਰ-ਕਮਲਾਂ ਨਾਲ ਇੱਟ ਰੱਖ ਕੇ ਕੀਤਾ। ਉਨ੍ਹਾਂ ਦੱਸਿਆ ਕਿ ਸਮਾਧ ਬਣਨ ਉਪਰੰਤ ਇਸ ਜਗ੍ਹਾ ਤੇ ਸੰਤ ਯਮੁਨਾ ਮੁਨੀ ਦੀ ਮੂਰਤੀ ਸਥਾਪਿਤ ਕੀਤੀ ਜਾਵੇਗੀ। ਇਸ ਤੋਂ ਪਹਿਲਾਂ ਹਵਨ ਪੂਜਾ ਵੀ ਕੀਤੀ ਗਈ। ਇਸ ਮੌਕੇ ਮਹੰਤ ਅੰਮ੍ਰਿਤ ਮੁਨੀ, ਸੰਤ ਫੱਕਰ ਦਾਸ ਕਾਲਾਂਵਾਲੀ, ਮਹੰਤ ਗੋਪਾਲ ਦਾਸ ਅਲੀਕਾ, ਮਹੰਤ ਜੋਗਿੰਦਰ ਗਿਰੀ ਰੋੜੀ, ਮਹੰਤ ਬਲਦੇਵ ਦਾਸ, ਮੇਜਰ ਸਿੰਘ ਸਾਬਕਾ ਸਰਪੰਚ, ਤਰਸੇਮ ਸਿੰਘ, ਨਾਜਰ ਪ੍ਰੇਮੀ, ਸੁਖਵਿੰਦਰ ਸਿੰਘ ਸੁੱਖਾ ਭਾਊ, ਨਿਰੰਜਨ ਦਾਸ, ਕਰਨੀ ਸਿੰਘ, ਸੁਖਵਿੰਦਰ ਸੁੱਖੀ, ਬਸੰਤ ਸਿੰਘ ਥਿਰਾਜ, ਵਿਜੇ ਮਹੰਤ, ਗੁਰਤੇਜ ਸਿੰਘ ਗਾਦੜ, ਤੀਰਥ ਜਿੰਦਲ, ਕਸ਼ਮੀਰੀ ਸਿੰਗਲਾ, ਖੁਸ਼ੀ ਰਾਮ ਜਿੰਦਲ, ਹਰੀਸ਼ ਜਿੰਦਲ, ਓਮ ਪ੍ਰਕਾਸ਼ ਜਿੰਦਲ, ਵਿਜੇ ਜਿੰਦਲ, ਭੀਮ ਸਿੰਘ, ਮਿੱਠੂ ਸਿੰਘ ਜਟਾਣਾ, ਭੋਲਾ ਸੋਨੀ, ਕਾਲਾ ਸੋਨੀ ਹਾਜ਼ਰ ਸਨ।