ਗਊਸ਼ਾਲਾ ਰੋੜੀ ਵਿਖੇ ਪੰਛੀਆਂ ਵਾਸਤੇ ਆਲ੍ਹਣੇ ਲਗਾਏ

ਸਰਦੂਲਗੜ੍ਹ – 03 ਜੁਲਾਈ (ਪ੍ਰਕਾਸ਼ ਸਿੰਘ ਜ਼ੈਲਦਾਰ) ਅੱਤ ਦੀ ਗਰਮੀ ‘ਚ ਪੰਛੀਆਂ ਨੂੰ ਤਪਿਸ਼ ਤੋਂ ਬਚਾਉਣ ਲਈ ਸ੍ਰੀ ਕ੍ਰਿਸ਼ਨਾ ਗਊਸ਼ਾਲਾ ਰੋੜੀ (ਸਿਰਸਾ) ਵਿਖੇ ਆਲ੍ਹਣੇ ਲਗਾਏ ਗਏ। ਜਿੰਨ੍ਹਾਂ ਦੀ ਸੇਵਾ ਸਰਦੂਲਗੜ੍ਹ ਦੇ ਸਾਬਕਾ ਕੌਂਸਲਰ ਸੁਖਵਿੰਦਰ ਸਿੰਘ ਸੁੱਖਾ ਭਾਊ ਵਲੋਂ ਕਰਵਾਈ ਗਈ। ਉਨ੍ਹਾਂ ਦੱਸਿਆ ਕਿ ਆਲ੍ਹਣੇ ਧਨੌਲਾ ਦੇ ਬੇਅੰਤ ਸਿੰਘ ਨੇ ਤਿਆਰ ਕੀਤੇ ਹਨ। ਗਊਸ਼ਾਲਾ ਅੰਦਰ ਵੱਡੀ ਗਿਣਤੀ ‘ਚ ਪੰਛੀਆਂ ਦਾ ਟਿਕਾਣਾ ਹੈ। ਜਿਸ ਨੂੰ ਦੇਖਦੇ ਹੋਏ ਉਨ੍ਹਾਂ ਦੇ ਸਿਰ ਲਕੋਣ ਲਈ ਇਹ ਉਪਰਾਲਾ ਕੀਤਾ ਗਿਆ। ਮਹੰਤ ਸੀਤਾ ਰਾਮ ਮੁਨੀ ਨੇ ਇਸ ਉੱਦਮ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਮੁੱਢ ਕਦੀਮ ਤੋਂ ਪੰਛੀ ਮਨੁੱਖੀ ਜੀਵਨ ਦੇ ਸਾਥੀ ਰਹੇ ਹਨ, ਇਸ ਲਈ ਉਨ੍ਹਾਂ ਦੀ ਸਾਂਭ ਸੰਭਾਲ ਕਰਨਾ ਵੀ ਸਾਡਾ ਫਰਜ਼ ਬਣਦਾ ਹੈ। ਬਿਜਲੀ ਮਕੈਨਿਕ ਹਰਪ੍ਰੀਤ ਸਿੰਘ ਦੇ ਸਹਿਯੋਗ ਨਾਲ ਵੱਖ-ਵੱਖ ਥਾਵਾਂ ਤੇ ਆਲ੍ਹਣੇ ਫਿੱਟ ਕੀਤੇ ਗਏ। ਇਸ ਮੌਕੇ ਮਾਸਟਰ ਸਰਬਜੀਤ ਸਿੰਘ, ਜਗਮੋਹਨ ਸਿੰਘ ਸਿੱਧੂ, ਗੁਰਚਰਨ ਸਿੰਘ ਕਾਕਾ, ਕਰਨੀ ਰੋੜੀ, ਬਸੰਤ ਸਿੰਘ ਥਰਾਜ, ਗੁਰਦੇਵ ਸਿੰਘ ਪੇਂਟਰ ਹਾਜ਼ਰ ਸਨ।