ਕਿਸਾਨਾਂ ਨੇ ਇਕ ਹੋਰ ਮੀਟਰ ਲਾਹ ਕੇ ਵਾਪਸ ਮੋੜਿਆ, ਜਟਾਣਾ ਕਲਾਂ ਮਾਡਲ ਸਕੂਲ’ਚ ਲੱਗਿਆ ਸੀ ਚਿੱਪ ਵਾਲਾ ਮੀਟਰ

ਸਰਦੂਲਗੜ੍ਹ-29 ਮਾਰਚ(ਜ਼ੈਲਦਾਰ ਟੀ.ਵੀ.) ਪਾਵਰਕਾਮ ਵਲੋਂ ਪਿੰਡਾਂ ਅੰਦਰ ਸਰਕਾਰੀ ਸੰਸਥਾਵਾਂ‘ਚ ਲਗਾਏ ਜਾ ਰਹੇ ਚਿੱਪ ਵਾਲੇ ਮੀਟਰਾਂ ਦਾ ਕਿਸਾਨ ਲਗਤਾਰ ਵਿਰੋਧ ਕਰ ਰਹੇ ਹਨ।ਹਰ ਦਿਨ ਕਿਸੇ ਨਾ ਕਿਸੇ ਪਿੰਡ‘ਚੋਂ ਮੀਟਰ ਉਤਾਰ ਕੇ ਪਾਵਰਕਾਮ ਦਫ਼ਤਰ ਜਮ੍ਹਾਂ ਕਰਵਾਏ ਜਾ ਰਹੇ ਹਨ।ਬੀਤੇ ਕੱਲ੍ਹ ਜਟਾਣਾ ਕਲਾਂ ਦੇ ਸਰਕਾਰੀ ਸਕੂਲ‘ਚ ਲਗਾਇਆ ਮੀਟਰ ਭਾਰਤੀ ਕਿਾਸਨ ਯੂਨੀਅਨ ਏਕਤਾ ਉਗਰਾਹਾਂ ਦੇ ਵਰਕਰਾਂ ਨੇ ਸਰਦੂਲਗੜ੍ਹ ਦਫ਼ਤਰ ਨੂੰ ਵਾਪਸ ਮੋੜ ਦਿੱਤਾ।ਇਕੱਤਰ ਕਿਸਾਨਾਂ ਨੇ ਚਿਤਾਵਨੀ ਦਿੱਤੀ ਕਿ ਜੇਕਰ ਚਿੱਪ ਵਾਲੇ ਮੀਟਰ ਲਗਾਉਣੇ ਬੰਦ ਨਾ ਕੀਤੇ ਗਏ ਤਾਂ ਜਥੇਬੰਦੀ ਤਿੱਖਾ ਸੰਘਰਸ਼ ਵਿੱਢਣ ਲਈ ਮਜ਼ਬੂਰ ਹੋਵੇਗੀ ਪਰ ਇਹ ਮੀਟਰ ਨਹੀਂ ਲੱਗਣ ਦਿੱਤੇ ਜਾਣਗ।ਇਸ ਮੌਕੇ ਲੀਲਾ ਸਿੰਘ, ਸੁਖਦੇਵ ਸਿੰਘ ਤੇ ਹੋਰ ਕਿਸਾਨ ਹਾਜ਼ਰ ਸਨ।