ਕਾਰਟੂਨ ਫਿਲਮ ਦਾਸਤਾਨ-ਏ-ਸਰਹਿੰਦ ਦੇ ਵਿਰੋਧ’ਚ ਰੋਸ ਮੁਜ਼ਾਹਰਾ ਕੀਤਾ

ਸਰਦੂਲਗੜ੍ਹ -26(ਜ਼ੈਲਦਾਰ ਟੀ.ਵੀ.) ਸਿੱਖ ਭਾਈਚਾਰੇ ਦੇ ਲੋਕਾਂ ਵਲੋਂ ਕਾਰਟੂਨ ਫਿਲਮ ਦਾਸਤਾਨ-ਏ-ਸਰਹਿੰਦ ਤੇ ਰੋਕ ਲਗਾਉਣ ਦੀ ਮੰਗ ਕਰਦਿਆਂ ਥਾਂ-ਥਾਂ ਤੇ ਵਿਰੋਧ ਕੀਤਾ ਜਾਣ ਲੱਗਾ ਹੈ।ਸਰਦੂਲਗੜ੍ਹ ਵਿਖੇ ਵੀ ਇਕੱਤਰ ਸਿੱਖ ਸੰਗਤ ਨੇ ਹੱਥਾਂ’ਚ ਫਿਲਮ ਵਿਰੋਧੀ ਇਸ਼ਤਿਹਾਰ ਲੈ ਕੇ ਸਿਰਸਾ-ਮਾਨਸਾ ਮੁੱਖ ਸੜਕ ਤੇ ਬੱਸ ਅੱਡੇ ਦੇ ਸਾਹਮਣੇ ਇਕ ਸ਼ਾਂਤਮਈ ਰੋਸ ਮੁਜ਼ਾਹਰਾ ਕੀਤਾ।ਗੱਲਬਾਤ ਕਰਦੇ ਹੋਏ ਹੁਸ਼ਿਆਰ ਸਿੰਘ ਝੰਡਾ ਕਲਾਂ ਨੇ ਕਿਹਾ ਕਿ ਇਹ ਫਿਲਮ ਸਿੱਖੀ ਸਿਧਾਂਤਾ ਦੇ ਪੂਰੀ ਤਰਾਂ ਉਲਟ ਹੈ।ਸਿੱਖ ਧਰਮ’ਚ ਗੁਰੂ ਸਾਹਿਬਾਨਾਂ ਜਾਂ ਮਹਾਨ ਸਿੱਖ ਸ਼ਹੀਦਾਂ ਜਿਹਾ ਸਵਾਂਗ ਰਚਾਉਣ ਦੀ ਪੂਰਨ ਮਨਾਹੀ ਹੈ।ਅਜਿਹੀਆਂ ਫਿਲਮਾਂ ਦੀ ਪੇਸ਼ਕਾਰੀ ਲੋਕਾਂ ਨੂੰ ਕੁਰਾਹੇ ਪਾਉਣ ਤੋਂ ਸਿਵਾਏ ਕੁਝ ਵੀ ਨਹੀਂ।ਪ੍ਰਦਰਸ਼ਨ ਕਰਦੀ ਸੰਗਤ ਨੇ ਮੰਗ ਕੀਤੀ ਕਿ ਫਿਲਮ ਦਿਖਾਉਣ ਤੇ ਰੋਕ ਲਗਾਈ ਜਾਵੇ।ਇਸ ਮੌਕੇ ਹਰਜਿੰਦਰ ਸਿੰਘ ਹੰਸ,ਪ੍ਰਗਟ ਸਿੰਘ,ਅਮਰੀਕ ਸਿੰਘ,ਨਿਸ਼ਾਨ ਸਿੰਘ,ਮਹਿੰਦਰ ਸਿੰਘ,ਜਗਤਾਰ ਸਿੰਘ,ਰਾਮ ਸਿੰਘ,ਗਮਦੂਰ ਸਿੰਘ,ਰਣਦੀਪ ਸਿੰਘ,ਸੁਖਦੀਪ ਸਿੰਘ,ਸੁਖਜਿੰਦਰ ਸਿੰਘ,ਸੰਦੀਪ ਸਿੰਘ,ਪਿੱਪਲ ਸਿੰਘ ਹਾਜ਼ਰ ਸਨ।